Piłoty biznes-džeta, što raźbiŭsia ŭ harach Afhanistana, lotali pa padroblenych dakumientach, a sam bort nie prajšoŭ techahlad
Piłoty rasijskaha biznes-džeta lotali pa padroblenych dakumientach, a na samim samalocie nie zrabili bolš za 15 abaviazkovych prac pa techabsłuhoŭvańni. Takija vyniki papiaredniaha rasśledavańnia trahiedyi rasiejskimi avijacyjnymi ŭładami, piša SHOT.
Pavodle krynic vydańnia, Dźmitryj Bielakoŭ i Arkadź Hračoŭ padali ŭ Rasavijacyju dakumienty ab tym, što jany pieravučvalisia na Falcon 10 u ZŠA. Adnak, jak ustanaviła rasśledavańnie, navučańnia ŭ centry jany nie prachodzili i padrabili dakumienty, kab vykonvać rejsy na biznes-džecie.
Rasśledavańnie taksama ŭstanaviła, što kamandziram ekipaža byŭ Dźmitryj Bielakoŭ, jaki nie padaŭ źviestak pra svoj uzrovień anhlijskaj movy.
Stan samoha Falcon 10 taksama vyklikaŭ pytańni: zhodna z vysnovami ekśpiertaŭ, na 45-hadovym samalocie nie było vykanana bolš za 15 abaviazkovych prac pa techabsłuhoŭvańni, bort nie prachodziŭ abaviazkovaje paŭhadavoje absłuhoŭvańnie, i ŭ jaho amal na dva hady było praterminavanaje vykanańnie jeŭrapiejskaj dyrektyvy lotnaj prydatnaści, jakaja zahadvaje vykanać inśpiekcyju trubapravodaŭ hidrasistemy na pradmiet najaŭnaści paškodžańniaŭ z-za vibracyj.
Falcon 10 upaŭ u harach Afhanistana 21 studzienia. Na borcie było šeść čałaviek. Pasažyrami na borcie Falcon, jaki źnik u harach Afhanistana, byli muž i žonka Hanna i Anatol Jeŭsiukovy — pradprymalniki z Vałhadonska. Žančynu na aparacie ŠVŁ vieźli z Tajłanda na ekstrannuju špitalizacyju. Sužency zahinuli. Dakładnyja pryčyny i abstaviny ich śmierci nieviadomyja.
Piłoty i miedyki vyžyli, pravioŭšy bolš za sutki na marozie. Jak raniej raspaviadali vyžyłyja lotčyki, nad harami ŭ ich pačalisia techničnyja prablemy, jany źviazalisia z dyśpietčaram i stali šukać miesca dla ekstranaj pasadki. Bližejšaja apynułasia ŭ Afhanistanie. Ale dalacieć da jaje bort nie zmoh. Ekipaž pasadziŭ jaho na piku hary.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary