U Ispanii nakryli padpolnuju aŭtamajsterniu biełarusaŭ. U ich na rabskich umovach taksama pracavali biełarusy
U ispanskim horadzie Huardarmar-del-Siehura (pravincyja Alikente) palicyja likvidavała padpolnuju aŭtamabilnuju majsterniu, jakuju arhanizavali biełarusy. Za ježu i adzieńnie tam taksama pracavali biełarusy, sa spasyłkaj na miascovyja ŚMI piša «Biełaruś i śviet».
Infarmacyja pra padpolny ramontny aŭtaservis, dzie vykarystoŭvajuć pracu nielehalnych rabotnikaŭ, pastupiła ŭ palicyju ŭ kancy listapada 2023 hoda.
Pravierka pakazała, što vytvorča-składskoje pamiaškańnie arandavaŭ 42-hadovy biełarus, jaki vałodaje kampanijaj pa kupli-prodažy aŭtamabilaŭ. Da jaho raniej užo ŭźnikali pytańni z-za padroblenaj dakumientacyi. U arandatara taksama byŭ partnior — 48-hadovy biełarus.
U majsterni palicyja znajšła transpartnyja srodki roznaj stadyi ramontu i 161 numarny transpartny znak Ispanii i inšych krain Jeŭropy — ich vyvučajuć.
Akramia taho, u majsterni vyjavili troch rabotnikaŭ — biełarusaŭ, jakija znachodziacca na nielehalnym stanoviščy. Pa źviestkach palicyi, jany pracavali tut za ježu i adzieńnie i žyli ŭ hetym ža pamiaškańni.
U adnosinach da 42-hadovaha i 48-hadovaha biełarusaŭ 5 śniežnia raspačali rasśledavańnie pa padazreńni ŭ parušeńni pracoŭnaha zakanadaŭstva.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary