U niamieckim horadzie Kiel, što ŭ fiederalnaj ziamli Baden-Viurtembierh, paśla svarki adzin kiroŭca-biełarus trapiŭ nahami pad koła fury inšaha, paviedamlaje sajt «Biełaruś i śviet», spasyłajučysia na miascovuju palicyju.
U subotu 27 studzienia pozna ŭviečary paśla svarki pamiž dvuma biełaruskimi dalnabojnikami adzin ź ich pačaŭ vyjazdžać na svajoj fury z zony adpačynku dla kiroŭcaŭ Kiel.
Kab pieraškodzić hetamu, druhi zalez na padnožku kabiny hruzavika, sprabujučy adkryć dźviercy. Ale nohi mužčyny trapili pad piaredniaje koła ciahača, praz što jon atrymaŭ surjoznyja traŭmy.
Tym časam aŭtaciahnik praciahnuŭ ruch i pajechaŭ dalej, u pracesie prataraniŭšy aharodžu ŭ zonie adpačynku.
Padčas vyšukovych mierapryjemstvaŭ hruzavik z 30-hadovym biełarusam za rulom byŭ zatrymany ŭ rajonie račnoha porta Kiel na race Rejn. Miarkujučy pa ŭsim, hety kiroŭca razam z paciarpiełym raniej užyli šmat ałkaholu.
Pa rasparadžeńni prakuratury ŭ kiroŭcy ŭziali ŭzor kryvi i zapatrabavali zakład. Paciarpieły byŭ dastaŭleny ŭ balnicu, jahonyja traŭmy dla žyćcia niebiaśpieki nie ŭjaŭlajuć.
Ciapier idzie rasśledavańnie, viaducca pošuki śviedak incydentu.
Ciapier čytajuć
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»3
Kamientary