Siejm Łatvii aficyjna zabaraniŭ zbornym krainy hulać suprać zbornych Rasii i Biełarusi
Siońnia, 1 lutaha, Siejm pryniaŭ u kančatkovym čytańni papraŭki da Zakona ab sporcie, jakija praduhledžvajuć, što zbornym Łatvii budzie zabaroniena hulać suprać zbornych Rasii ci Biełarusi, kali jany ŭdzielničajuć u spabornictvach pad svaim ściaham abo ŭ niejtralnym statusie, piša Delfi.lv
Zakon taksama praduhledžvaje, što Łatvii zabaraniajecca arhanizoŭvać spabornictvy zbornych kamand pa hulniavych vidach sportu (darosłych, junackich i junijorskich), u jakich nacyjanalnyja zbornyja Rasii ci Biełarusi ŭdzielničajuć pad svaim ściaham abo ŭ niejtralnym statusie.
U anatacyi da zakonaprajekta, pieršapačatkova vyłučanaha palitykami «novaha adzinstva», havorycca, što «ŭ Rasijskaj źniešniepalityčnaj daktrynie adnym z kirunkaŭ raspaŭsiudžvańnia jaje kaštoŭnaściaŭ źjaŭlajecca vykarystańnie tak zvanaj «miakkaj siły» ŭ pabudovie adnosin z zamiežnymi krainami, i sport źjaŭlajecca adnym sa sposabaŭ jaho vykarystańnia».
Asnoŭnaja meta papravak da zakona — «padkreślić salidarnaść Łatvii z Ukrainaj i fundamientalna zabłakavać lubyja sproby Rasii ŭzakonić svaje vajennyja złačynstvy z dapamohaj sportu».
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary