Pamiatajecie historyju pra biełarusa, jaki razhramiŭ arendnuju kvateru ŭ Małdovie? Prynosim prabačeńni, heta FEJK
24 studzienia 2024 hoda na staronkach «Našaj Nivy» była apublikavanaja navina pra biełarusa Ihara Turceviča, jaki nibyta razhramiŭ arendnuju kvateru ŭ Małdovie. Na žal, my pamylilisia, usia hetaja historyja była fejkam.
Jak tekst uvohule źjaviŭsia na sajcie?
U telehram-akaŭnt Redakcyi źviarnułasia žančyna, jakaja pradstaviłasia małdavankaj Karynaj Marym, jakaja zdała kvateru biełarusu, a toj, maŭlaŭ, paškodziŭ usio, što tolki možna. U jakaści dokazaŭ Karyna pradastaviła zdymki razhromlenaj kvatery, a taksama raśpisku, nibyta napisanuju biełarusam — ź jaho pašpartnymi źviestkami i kantaktnaj infarmacyjaj.
Žurnalist «NN» pahutaryŭ z žančynaj, a taksama pasprabavaŭ znajści Ihara Turceviča, kab uziać u jaho kamientar.
I tut adbyłasia naša hałoŭnaja pamyłka — my paličyli realnym telehram-akaŭntam Ihara Turceviča toj akaŭnt, jaki nam «padkazała» małdavanka Karyna.
Hety akaŭnt adkazaŭ žurnalistu i ŭskosna paćvierdziŭ datyčnaść da historyi. U vyniku navina była apublikavanaja.
Praź niekalki dzion z Redakcyjaj źviazaŭsia Ihar Turcevič. Jon patłumačyŭ, što apublikavanaja infarmacyja całkam chłuślivaja i što nie davaŭ nijakich kamientaroŭ žurnalistam.
My pravieryli — sapraŭdy i akaŭnt psieŭda-Turceviča, i akaŭnt «Karyny» źnik, ich prosta vydalili z telehrama. Na žal, «Naša Niva» stała achviaraj čyjojści pravakacyi i apublikavała niepraŭdzivuju infarmacyju.
Chto taki Ihar Turcevič? Heta biełaruski biznesmien, jaki ciapier žyvie va Ukrainie. Turcevič viadomy jak zasnavalnik sietki kramaŭ «Dźviery Biełarusi», u jakuju ŭvachodzili sotni abjektaŭ u Biełarusi, Ukrainie, Rasii i Małdovie. Aproč taho, jon stvaryŭ u Kijevie kłub Harley-Davidson i źjaŭlajecca adnym ź lidaraŭ bajkierskaha ruchu.
Prynosim prabačeńni Iharu Turceviču i čytačam «Našaj Nivy».
-
400‑tysiačny artykuł apublikavany na sajcie «Našaj Nivy». A pra što byli 300-tysiačny, 200-tysiačny, 100-tysiačny?
-
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam
-
Kali vy pracujecie ŭ Polščy, to možacie za chvilinu padtrymać «Našu Nivu» 1,5% padachodnaha, nie patraciŭšy ani hroša. Voś jak
Ciapier čytajuć
Stali viadomyja padrabiaznaści krušeńnia motadeltapłana pad Minskam1
Stali viadomyja padrabiaznaści krušeńnia motadeltapłana pad Minskam
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary