Jak stała viadoma pravaabaroncam «Viasny», u vyniku «chapuna» 23-24 studzienia, padčas jakoha trapili pad pieraśled bolš za 200 čałaviek pa ŭsioj Biełarusi, niekalki čałaviek asudzili pavodle č. 2 art. 24.15 KaAP — «vykarystańnie zamiežnaj biazvypłatnaj dapamohi dla ažyćciaŭleńnia terarystyčnaj i inšaj ekstremisckaj dziejnaści abo inšych dziejańniaŭ, zabaronienych zakanadaŭstvam». Hety artykuł raniej u Biełarusi nie vykarystoŭvaŭsia.
Novuju represiŭnuju praktyku režymu Łukašenki prakamientavaŭ pravaabaronca «Viasny» Pavieł Sapiełka.
Pravaabaronca miarkuje, što, chutčej za ŭsio, havorka idzie ab pryciahnieńni da adkaznaści hramadzian, jakija skarystalisia dapamohaj u ramkach inicyjatyvy padtrymki siemjaŭ palitviaźniaŭ.
«Heta advolny pieraśled ludziej, jakija nie parušyli nijakich jurydyčnych praviłaŭ, a mienavita niezakonnaj mety raschodavańnia srodkaŭ padtrymki dla «ažyćciaŭleńnia terarystyčnaj i inšaj ekstremisckaj dziejnaści abo inšych dziejańniaŭ, zabaronienych zakanadaŭstvam». U dadzienym vypadku heta źjaŭlajecca pieradumovaj dla pieraśledu.
Darečy, palityka Biełarusi ŭ halinie rehulavańnia zamiežnaj i mižnarodnaj dapamohi nieadnarazova była pradmietam krytyčnaj acenki pravaabaroncaŭ i mižnarodnych arhanizacyj, pakolki jana zamachvałasia na mnohija nieadjemnyja pravy i svabody, naprykład, na svabodu asacyjacyj i svabodu mierkavańniaŭ i ich vykazvańnia».
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary