Kiraŭnik Pientahona znoŭ špitalizavany. Kamandavańnie pieradali namieśniku
Ministr abarony ZŠA Łojd Ościn byŭ u niadzielu dastaŭleny ŭ Nacyjanalny vajenna-miedycynski centr dla abśledavańnia, bo jahonyja simptomy pakazvali na nieadkładnyja prablemy ŭrałahičnaha charaktaru. Pra heta paviedamiŭ pres-sakratar Pientahona hienierał Patryk Rajder, piša «Hołas Amieryki».
Pavodle paviedamleńnia, kiraŭnictva Pientahona, Bieły dom i Kanhres byli pra heta apavieščanyja.
Namieśnik ministra abarony ZŠA Ketlin Chiks pryniała kamandavańnie i abaviazki ad ministra abarony Ościna, paviedamili paźniej u pres-słužbie Pientahona.
22 śniežnia 70-hadovy Ościn byŭ źmieščany ŭ kliniku ŭ Merylendzie dla lačeńnia raku prastaty. Jon viarnuŭsia ŭ kliniku 1 studzienia z-za ŭskładnieńniaŭ i pravioŭ tam prykładna dva tydni.
Ofis hienieralnaha inśpiektara Ministerstva abarony zajaviŭ u minułym miesiacy ab pačatku pravierki abstavinaŭ špitalizacyi Ościna. Havorka idzie pra pieršaje niezaležnaje i nadpartyjnaje rasśledavańnie taho, čamu Biełamu domu i Kanhresu na praciahu niekalkich dzion nie było viadoma pra dyjahnastavany ŭ Ościna rak prastaty, pra jaho špitalizacyju i pra apieracyju. Jak paviedamlajecca, prezident Džo Bajden da 4 studzienia nie viedaŭ ab špitalizacyi ministra abarony.
Ciapier čytajuć
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda17
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary