Byłaja fatohrafka BiełTA, jakaja zdymała pratesty i sud nad palitviaźniami, ciapier žyvie ŭ Varšavie
U dziaržaŭnym ahienctvie jaje fotarepartažy vychodzili da kanca 2022 hoda.
Aksana Mančuk fatahrafuje bolš za 10 hod. Apošnija hady ŭ Biełarusi jana pracavała ŭ BiełTA — dziaržaŭnym prapahandysckim ahienctvie. Mančuk zastavałasia tam paśla padziej 2020 hoda. Zdymała i pratesnyja maršy, i sud nad palitviaźniami.
Naprykład, zdymki Viktara Babaryki ŭ sudovaj kletcy — aŭtarstva Aksany Mančuk. Fatohrafaŭ niezaležnych ŚMI prosta nie puścili ŭ budynak suda.
U 2021-m fatohrafka zdymała, naprykład, mihrantaŭ na miažy — tak, jak heta bačyła prapahandysckaja mašyna. Tolki tvary niaščasnych dziaciej, ale nie toje, jak siłaviki supravadžajuć natoŭpy mihrantaŭ u ich pachodzie ŭ Polšču.
Apošnija repartažy Mančuk na BiełTA vychodzili ŭ śniežni 2022 hoda.
U Varšavu dziaŭčyna pierajechała ŭ kancy 2022-ha.
Mančuk vystaviła ŭ sacsietkach abjavu pra toje, što ciapier zdymaje ŭ Varšavie i adkrytaja dla prapanovaŭ. Dziaŭčyna apisalna paviedamlaje, što raniej pracavała ŭ navinovym ahienctvie i zdymała mižnarodnyja kulturnyja, spartyŭnyja i palityčnyja padziei.
Aksana nie stała kamientavać «Našaj Nivie» svajo zvalnieńnie i pierajezd.
Dapoŭniena. Paśla publikacyi znajomy ź situacyjaj čałaviek patłumačyŭ, čamu fatohrafka vymušana była zastavacca na toj pracy.
«U 2019 hodzie ŭ jaje skrali fotatechniku, jakaja naležyć BiełTA (kamieru i abjektyvy) na vielmi vialikuju sumu hrošaj. Byŭ sud u 2020 hodzie, i pa rašeńni suda jana była vymušanaja vypłačvać kampiensacyju za skradzienuju techniku. Pakryć usiu sumu zmahła tolki ŭ śniežni 2022 hoda, paśla čaho adrazu zvolniłasia».
Jon dadaŭ, što dziaŭčyna z metaŭ biaśpieki nie choča kamientavać ŚMI jakija-niebudź abstaviny hetaj spravy, a taksama padrabiaznaści svajoj pracy ŭ apošnija hady, bo ŭ Biełarusi jaje blizkija.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia4
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Značyć, na bok narodu nie pierajšła.
Što jana i dzie zdymaje? Kudy zdymki pieradaje?