Pra toje, što viadomy brescki błohier i były palitviazień Siarhiej Piatruchin, jaki byŭ vyzvaleny z turmy ŭ śniežni 2022 hoda, vyjechaŭ ź Biełarusi za miažu, stała viadoma sa strymu «Narodny reparcior», jaki viadzie jahony siabar i kaleha Alaksandr Kabanaŭ.
U krasaviku 2021 hoda abodvuch błohieraŭ asudzili na 3 hady kałonii za «arhanizacyju hrupavych dziejańniaŭ, jakija hruba parušajuć hramadski paradak».
Alaksandr Kabanaŭ vyjechaŭ ź Biełarusi amal adrazu paśla vyzvaleńnia, u kancy studzienia 2023 hoda. A Siarhiej Piatruchin paśla vyzvaleńnia krychu bolš za hod žyŭ u Biełarusi.
«Adnak ja bačyŭ, što chmary zhuščajucca, i praz strach znoŭ być aryštavanym i atrymać termin ja vyrašyŭ źjazdžać. Tamu 10 lutaha 2024 hoda ja z dapamohaj kamandy evakuacyi BYSOL źjechaŭ z krainy», — paviedamiŭ sam Piatruchin.
Ciapier jon maje patrebu ŭ padtrymcy. Jamu treba źniać kvateru, apłacić bazavyja patreby i nabyć prosty noŭtbuk dla pracy.
Dapamahčy Siarhieju Piatruchinu sabrać 3000 jeŭra možna pa spasyłcy.
Čytajcie taksama:
Błohiery Siarhiej Piatruchin i Alaksandr Kabanaŭ vyjšli na volu
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»3
Kamientary