Polskija pamiežniki nie prapuskajuć biełarusaŭ ź vizami PBH biez pracoŭnaha zaprašeńnia ci damovy
Polskija pamiežniki pierastali puskać u Polšču biełarusaŭ ź vizami, atrymanymi pa prahramie Poland Business Harbour, kali va ŭładalnika vizy niama paćvierdžańnia metavaha vykarystańnia dakumienta. Pra heta «Miedyjazonie» raspaviali biełarusy, jakija sutyknulisia z prablemaj, i kampanija visa_helps, jakaja zajmajecca dapamohaj u atrymańni viz.
Kampanii viadoma pra troch biełarusach, jakich nie prapuścili praz punkt propusku «Brest — Ciarespal». Pryčynaj stała adsutnaść dakumientaŭ, jakija paćviardžali b metavaje vykarystańnie hetaha typu vizy: pracoŭnaha kantrakta, b2b-damovy abo adkrytaha IP.
U visa_helps raspaviali, što ŭsie troje — klijenty kampanii. Vierahodna, što kolkaść biełarusaŭ, jakich nie prapuścili praź miažu, kudy bolšaja.
Pracaŭniki kampanii paviedamili, što im taksama viadoma ab vydačy polskimi pamiežnikami zabarony na naviedvańnie Polščy na šeść miesiacaŭ adnamu ź biełarusaŭ ź vizaj PBH, ale biez dadatkovych dakumientaŭ.
Infarmacyju «Miedyjazonie» taksama paćvierdziła biełaruska, jakuju ŭčora «raźviarnuli» na miažy z Polščaj. Pa jejnych słovach, pamiežniki nie prapuskali ŭ Polšču navat tych, u kaho było zaprašeńnie ad pracadaŭcy.
Jašče adzin biełarus raspavioŭ «Miedyjazonie», što siońnia jaho nie puścili ŭ Polšču, bo ŭ jaho nie było pracoŭnaha kantraktu. Pa słovach mužčyny, raniej pamiežniki prapuskali ź vizaj PBH biez abhruntavańniaŭ atrymańnia hetaha vidu vizy. Siońnia pry im nie puścili jašče čatyry čałavieki.
Prahrama Poland Business Harbour była zakryta ŭ studzieni 2024 hoda. Ministr zamiežnych spraŭ Polščy Radasłaŭ Sikorski zajaviŭ, što jana budzie zakrytaja da taho času, pakul «nie buduć pryniaty rašeńni dla zabieśpiačeńnia naležnaj pravierki kampanij i zamiežnikaŭ, jakija zjaŭlajucca jaje bienieficyjarami».
U Polščy rychtujuć źmieny ŭ Zakon ab zamiežnikach. Jany zakranuć atrymańnie DNŽ i Blue Card
U 2023 hodzie ŭ Polščy nie dali časovaha DNŽ amal 14% zajaŭnikaŭ ź Biełarusi
«Bolš za pałovu majho ofisa vykarystoŭvała hetuju vizu prosta dla padarožžaŭ». Što dumajuć ajcišniki pra zakryćcio prahramy Poland.Business Harbour
«Nie apraŭdała nadziej». Palaki patłumačyli, čamu prypynili vizavuju prahramu Poland. Business Harbour
Ciapier čytajuć
«Kibierpartyzany» zajavili, što zdabyli bazu danych danosčykaŭ KDB28
Kamientary