U Babrujsku ŭžo źjavilisia pieršyja hryby, a ŭ Breście raśćvili padśniežniki
Miarkujučy pa paviedamleńniach karystalnikaŭ sacyjalnych sietak, u Biełaruś voś-voś pryjdzie sapraŭdnaja viasna. Tak, u Babrujsku Mahiloŭskaj vobłaści 18 lutaha znajšli pieršyja hryby, a ŭ Breście — raspuścilisia pieršyja padśniežniki, piša Telegraf.news.
Fatahrafijami hryba pad nazvaj sarkascyfa punsovaja padzialiłasia karystalnica sacsietki «VKontaktie» Maša Nikitka.
Pa słovach dziaŭčyny, pieršyja hryby (technična — jašče navat nie viasnovyja, a zimovyja) jana znajšła ŭ Babrujsku 18 lutaha. U kamientarach pad fatahrafijami karystalniki sacsietki ščyra padzialili radaść aŭtara zdymkaŭ, choć i nie chavali ździŭleńnia z nahody taho, što sioleta hryby pajšli vielmi rana.
Aŭtarka videa adkazała ździvavanym padpisčykam, što «sama ŭ šoku». Maŭlaŭ, joj «chaciełasia znajści, ale nie dumała, što budzie tak šmat». Na zaŭvahu ž adnaho z kamientataraŭ, što dla hryboŭ jašče ranavata, jana adkazała: «Nu, vy heta nie mnie skažycie, a hrybam, moža i pieradumajuć raści».
Sarkascyfa punsovaja (abo aŭstryjskaja), jakuju jašče nazyvajuć «elfavaj čaraj», źjaŭlajecca adnym z samych rańnich viasnovych jadomych hryboŭ, choć i adnosicca da liku tak zvanych hryboŭ nizkaj charčovaj kaštoŭnaści. Daloka nie ŭsie vykarystoŭvajuć hetyja hryby ŭ ježu, ličačy sarkascyfu hrybam biez smaku, adnak kitajskija i francuzskija kuchary z zadavalnieńniem vykarystoŭvajuć jaje dla padrychtoŭki vytančanych straŭ. Jaje marynujuć, dadajuć u sałaty i vykarystoŭvajuć u jakaści načyńnia dla blincoŭ abo pirahoŭ.
Miž tym, inšaje videa z tyktoku śviedčyć pra toje, što pryroda, sapraŭdy, surjozna nastrojenaja na viasnovy ład: u Breście dniami ŭžo zaćvili pieršyja padśniežniki.
Vylecieła ŭ nieviadomym kirunku śpikierka KR Anžalika Mielnikava30
Kamientary