Dyrektar liceja ŭ Polščy prajhraŭ hrošy navučencaŭ i zjechaŭ u Biełaruś. Ale vytrymaŭ tolki 10 dzion
Dyrektar liceja ŭ polskim horadzie Buska-Zdruj prajhraŭ hrošy, jakija pryznačalisia na pajezdki školnikaŭ. Uśviadomiŭšy, što nie ŭ stanie pahasić doŭh, jon zjechaŭ u Biełaruś. Ale praz 10 dzion vyrašyŭ viarnucca, kab paŭstać pierad sudom. Na historyju, jakuju raspaviała Wyborcza, źviarnuŭ uvahu «Most».
Tomaš H. pryznaŭsia, što prablemy z azartnymi hulniami ŭ jaho pačalisia jašče ŭ 2012 hodzie. Jon rabiŭ staŭki na futboł i inšyja vidy sportu. U asnoŭnym mužčyna hulaŭ anłajn, ale časam naviedvaŭ i stacyjanarnyja bukmiekierskija kantory.
Uśviadomiŭšy svaju zaležnaść, jon vyrašyŭ prajści terapiju. Lačeńnie dapamahło: Tomaš byŭ «u zaviazcy» amal dva hady. Adnak u 2019 hodzie jon pačaŭ hulać znoŭ. Niejki čas jon prajhravaŭ ułasnyja hrošy, potym pačaŭ zajmać nievialikija sumy, a paśla staŭ brać hrošy, sabranyja školnikami i baćkoŭskim kamitetam — srodki zachoŭvałasia ŭ siejfie jaho kabinieta.
U 2020 hodzie dziaciej chacieli adpravić u Italiju i Charvatyju — sabranyja na heta srodki nastaŭniki pieradali byłomu dyrektaru na zachoŭvańnie. Ale z-za pandemii pajezdki pryjšłosia adkłaści.
— Hetaja situacyja prymusiła mianie spakusicca hrašyma, — raspavioŭ Tomaš. — Zdarałasia, što nastaŭniki ci školniki pytalisia pra pajezdki, ale ja ich adkładaŭ, apraŭdvajučysia pandemijaj i vajnoj. Heta dazvalała vyjhrać čas.
Dyrektaru zdavałasia, što jon zdoleje adyhracca, ale ŭ vyniku mužčyna vydatkavaŭ usie srodki, uziatyja sa školnaj kasy — ahułam amal paŭmiljona złotych (kala 125 tysiač dalaraŭ).
U vieraśni 2022 hoda, paśla letnich kanikułaŭ, Tomaš pavinien byŭ pačać pracu, ale ŭ licei nie zjaviŭsia. Praź dzień siamja zajaviła ab jahonym źniknieńni. Tady ž jaho namieśnik zaŭvažyŭ, što hrošy, jakija pryznačalisia na pajezdki, źnikli.
— Ja zjechaŭ z Polščy ŭ Biełaruś 5 vieraśnia. Mnie prosta nadakučyli štodzionnyja rospyty pra hrošy — ja viedaŭ, što ŭ mianie ich niama, i nie moh hetaha vynieści.
Dyrektar prabyŭ u Biełarusi 10 dzion, i ŭ noč z 15 na 16 vieraśnia viarnuŭsia ŭ Polšču. Na treci dzień znachodžańnia na radzimie Tomaša zatrymali.
Sud pryniaŭ da ŭvahi, što mužčyna dobraachvotna viarnuŭsia z-za miažy, nie pieraškadžaŭ kryminalnaj vytvorčaści, pryznaŭ siabie vinavatym i pačaŭ pahašać doŭh.
Užo byłoha dyrektara pryhavaryli da 2 hadoŭ i 10 miesiacaŭ pazbaŭleńnia voli, a taksama jon pavinien pahasić doŭh.
Dziaŭčyna chacieła abyhrać kazino. Jana ŭlezła ŭ sumnieŭnuju spravu i straciła $1234
«Usiaho za 20 jeŭra ja dapamahu «zabycca» znojdzienuju infarmacyju». Źjaviłasia machlarskaja schiema ci pravakacyja, mahčymaja tolki ŭ Biełarusi
Minčanin skraŭ u pjanaha nieznajomca 12 tysiač dalaraŭ, hulaŭ na ich tydzień, a papaŭsia na skradzienaj butelcy piva
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary