Kamientary prezidenta ZŠA — samyja pazityŭnyja z tych, što jon zrabiŭ u dačynieńni da vierahodnaści zaklučeńnia novaj uhody. Taksama čakajecca vyzvaleńnie zakładnikaŭ.
Prezident ZŠA Džo Bajden zajaviŭ, što novaje spynieńnie ahniu pamiž Izrailem i CHAMAS moža pačacca ŭžo ŭ paniadziełak i praciahnucca na čas Ramadana. U ramkach uhody taksama čakajecca vyzvaleńnie zakładnikaŭ, jakija ŭtrymlivajucca ŭ Hazie, piša Bi-bi-si.
«My blizkija da hetaha, — skazaŭ Bajden u paniadziełak. — My jašče nie skončyli. Ja spadziajusia, što da nastupnaha paniadziełka my damožamsia spynieńnia ahniu».
Pa słovach amierykanskaha prezidenta, dasiahnuta «pryncypovaja damoŭlenaść» ab časovym pieramirji na pieryjad śviatoha dla musulman miesiaca Ramadan, jaki pačniecca 10 abo 11 sakavika ŭ zaležnaści ad miesiacovaha kalendara.
«Izrailcianie damovilisia ab tym, što jany nie buduć vieści dziejnaść i padčas Ramadana, kab dać nam čas vyzvalić usich zakładnikaŭ», — skazaŭ Bajden.
Raniej nienazvany izrailski čynoŭnik paviedamiŭ navinavamu sajtu Ynet, što «kirunak raźvićcia padziej pazityŭny».
Pradstaŭnik Dziarždepartamienta ZŠA Mećju Miler raniej zajaviŭ, što za apošnija niekalki dzion u pieramovach ab vyzvaleńni Izrailskich zakładnikaŭ byŭ dasiahnuty prahres, ale pakul niezrazumieła, ci pahodzicca CHAMAS na apošnija prapanovy pasiarednikaŭ.
«My dasiahnuli prahresu ŭ chodzie pieramovaŭ pamiž Jehiptam, Izrailem, ZŠA i Kataram», — skazaŭ Miler.
Jak adznačaje blizkaŭschodni karespandent Bi-bi-si Jołanda Kneł, kamientary prezidenta Bajdena — samyja pazityŭnyja z tych, što jon zrabiŭ u dačynieńni da vierahodnaści zaklučeńnia novaj uhody.
Adnak na publicy Izrail i CHAMAS pa-raniejšamu zajmajuć supraćlehłyja pazicyi ŭ tym, što tyčycca mahčymaha pieramirja.
CACHAŁ śćviardžaje, što znajšoŭ zakinutuju schovanku lidara CHAMAS u siektary Haza VIDEA
Amierykanski vajskoviec padpaliŭ siabie la pasolstva Izraila ŭ Vašynhtonie. Jon kryčaŭ «Svabodu Paleścinie!»
«Takoje było, kali Hitler vyrašyŭ zabić habrejaŭ». Prezident Brazilii paraŭnaŭ vajnu ŭ siektary Haza z Chałakostam
Łukašenka: Raman Pratasievič — daŭni supracoŭnik biełaruskaj raźviedki59
Kamientary