«Odieso, ja z toboju». Maksim Hałkin na ŭkrainskaj movie adreahavaŭ na hibiel dziaciej u vyniku rasijskaha ŭdaru
Rasijski humaryst Maksim Hałkin, jaki jašče ŭ pačatku poŭnamaštabnaha rasijskaha ŭvarvańnia vyjechaŭ z Rasii ŭ Izrail i asudziŭ złačynny režym Kramla, apublikavaŭ novy dopis u instahramie, pryśviečany Adesie.
Komik pierajšoŭ na ŭkrainskuju movu. Takim čynam jon jašče raz vykazaŭ padtrymku ŭkrainskamu narodu, jaki vymušany supraćstajać rasiejskaj ahresii.
Hałkin raspavioŭ, što jaho dziacinstva prajšło ŭ Adesie. Tamu jon zaŭsiody vielmi chvaravita ŭsprymaje rakietnyja ŭdary pa hetym horadzie.
«Adesa — heta majo dziacinstva. U Adesie ja ŭ škole vučyŭ ź pieršaha kłasa ŭkrainskuju movu. I tyja viedy pra movu, jakija ŭ mianie zastalisia da hetaha času, heta taksama majo adeskaje dziacinstva. Ale mianie, napeŭna, možna papraknuć, što ja nie sumuju publična pa ŭsich zahinułych dzieciach u śviecie. Ale kožny ŭdar pa Adesie traplaje ŭ serca. Adesa, ja ŭsim sercam z taboj. Maje hłybokija spačuvańni siemjam zahinułych. Vielmi horka ad biaśsilla. Ale sud Božy jašče nichto nie admianiaŭ», — napisaŭ Maksim Hałkin.
Unačy 2 sakavika Rasija vypuściła pa Adesie vosiem bieśpiłotnikaŭ, adzin ź jakich trapiŭ u žyły dom. U vyniku ataki zahinuli 12 čałaviek, siarod jakich maleńkija dzieci. Zahinuła ŭsia siamja Kraŭcoŭ — muž, žonka i troje małych dziaciej.
Ciapier čytajuć
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje9
Kamientary