«Ludzi byli zapuščany praź Biełaruś». Jak źbiralisia zabić Zialenskaha
Rasśledavalnik Chrysta Hrozieŭ u intervju žurnalistu Michaiłu Zyharu raskazaŭ pra toje, jak płanavałasia zabojstva Zialenskaha ŭ samym pačatku vajny.
Ludzi z HRU znachodzilisia ŭ Kijevie, kab zabić Zialenskaha. Pa słovach Hrozieva, ich była nie adna hrupa. Ludzi z hetaj arhanizacyi trapili va Ukrainu jašče za paru tydniaŭ da pačatku vajny.
«Jany byli praź Biełaruś zapuščany, kab być pobač z Kijevam. Častka ź ich zajšła ŭ Kijeŭ i rychtavała ŭziaćcie palityčnaha kvartała horada».
Heta ludzi, padnačalenyja Andreju Avierjanavu (hienierału HRU, jaki kiravaŭ padraździaleńniem, što padazrajecca ŭ sieryi atručvańniaŭ i vybuchaŭ u Jeŭropie), ich było 30. Heta vielmi elitnaja hrupa, kaža Hrozieŭ. Heta tyja samyja ludzi, jakija ŭzarvali składy ŭ Čechii i Bałharyi, jakija atručvali Skrypalej.
«My adsačyli paviedamleńni niekalkich čałaviek z hetaj kamandy. I było i strašna, i śmiešna. Strašna, tamu što bačyli, jakija ŭ ich mety. A śmiešna, tamu što jany stanavilisia z kožnym dniom usio mienš ura-patryjotami i stali krytykavać kiraŭnictva za drenna spłanavanuju apieracyju.
Supracoŭniki HRU spačatku ličyli, što buduć va Ukrainie tydzień, paśla pisali svaim žonkam: «Nu, daviadziecca dva tydni. Paśla pisali pra miesiac, paŭhoda. Niekatoryja stali paśla sumniavacca ŭ viernaści svaich žonak».
«Možna pra heta napisać raman, pra toje, jak heta kamanda, jakaja pavinna była za tydzień davieści da pieramohi, stała psichałahičnymi achviarami hetaj samaj vajny», — zaŭvažaje rasśledavalnik.
Častku ź ich, kaža Hrozieŭ, zabili.
Jon kamientuje ciapierašnija apieracyi HRU va Ukrainie: «Niama ŭ ich ciapier takich miehametaŭ, jak zabić Zialenskaha. Vidać, jany całkam pravalilisia ŭ hetym płanie».
Hrozieŭ dadaje, što HRU navučyła novaje pakaleńnie supracoŭnikaŭ dla mižnarodnych apieracyj, jany na 10—15 hadoŭ maładziejšyja za raniejšych (1993—1999 hoda naradžeńnia).
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś1
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Kamientary