106-ju hadavinu abviaščeńnia niezaležnaści Biełaruskaj Narodnaj Respubliki adznačać masavym šeściem.
«25 sakavika — heta dzień, kali naš narod adznačaje Dzień Voli, śviata, što simvalizuje našu biełaruskuju advahu i baraćbu suprać dyktatury. U hety dzień miljony biełarusaŭ na ŭsich kantynientach adznačajuć nacyjanalnaje śviata svabody. Hety hod staŭ asabliva ciažkim. U našaj krainie zvyš 1400 našych siabroŭ i siostraŭ, palitviaźniaŭ, jakija addajuć svaju svabodu i žyćci ŭ baraćbie za našaje prava na volu i spraviadlivaść», — paviedamlaje Abjadnany pierachodny kamitet u sacsietkach.
Śviatkavańnie projdzie ŭ niadzielu, 24 sakavika.
«24 sakavika a 14:00 pa Varšavie na płoščy Troch Kryžoŭ pačniecca mitynh z udziełam biełaruskich, polskich, ukrainskich palityčnych i hramadskich dziejačaŭ. Paśla my pojdziem maršam da pomnika Mikałaju Kapierniku, dzie prachodziać našy tradycyjnyja akcyi i dalej da Zamkavaj płoščy, dzie adbudziecca vialiki kancert z udziełam viadomych biełaruskich artystaŭ. Padčas padziei my budziem źbirać danaty dla padtrymki našych palitviaźniaŭ.
U hety momant supolnaści i baraćby, prosim vas dałučycca da arhanizacyi sioleta samaha maštabnaha žyvoha śviatkavańnia Dnia voli. U Varšavie tysiačy biełarusaŭ, i my razam mocnaja siła», — paviedamlaje APK.
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»7
Kamientary