Hałoŭčanka zahadaŭ zrabić stamatałahičnyja pasłuhi dastupnymi dla ŭsich
Premjer kaža, što cenavaje rehulavańnie pakul efiektu nie dało.
Stamatałahičnyja pasłuhi pavinny być dastupnyja dla ŭsich słajoŭ nasielnictva. Pra heta zajaviŭ premjer-ministr Raman Hałoŭčanka padčas sustrečy ź ministram achovy zdaroŭja Alaksandram Chadžajevym, piša BiełTA.
«Siońnia my pahavorym ab efiektyŭnaści mier cenavaha rehulavańnia pry akazańni płatnych pasłuh u achovie zdaroŭja. Było ŭviedziena (jašče papiarednim ministram) cenavaje rehulavańnie na stamatałahičnyja pasłuhi. Ale infarmacyja, jakaja pastupaje ź miescaŭ, havoryć, što patrebnaha efiektu heta pakul nie dało. Mahčyma, byli dapuščanyja niejkija praliki ŭ padrychtoŭcy hetaha rašeńnia. Kali niešta nieabchodna vypravić, to heta treba rabić», — adznačyŭ Raman Hałoŭčanka.
Pavodle jaho słoŭ, stamatałahičnyja pasłuhi pavinny być dastupnyja dla ŭsich słajoŭ nasielnictva.
«Ale, viadoma, pry hetym treba nie zvalicca va ŭraŭniłaŭku. Siońnia pra heta padrabiazna pahavorym. Važna, kab nie pakutavała jakaść akazańnia takoj dapamohi. Pavinien być bałans pamiž dastupnaściu i jakaściu», — padkreśliŭ kiraŭnik urada.
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju14
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii1717
Kamientary