Lidar KNDR Kim Čen Yn naviedaŭ hałoŭnuju bazu Karejskaj Narodnaj armii (KNA) i panaziraŭ za vajennymi vučeńniami, piša Centralnaje telehrafnaje ahienctva Karei (CTAK).
Paŭnočnakarejskaha lidara supravadžali sakratar CK Pracoŭnaj partyi Karei i namieśnik staršyni Centralnaha vajennaha kamiteta partyi Pak Čon Čchon. Na bazie kiraŭnika KNDR sustreŭ kamandny skład vojska, u tym liku ministr abarony i načalnik hienštaba.
«Pavažany tavaryš Kim Čen Yn padrabiazna aznajomiŭsia z zbudavańniami i roznymi trenirovačnymi miescami hałoŭnaj bazy dla apieratyŭnych vučeńniaŭ. Tavaryš Kim Čen Yn acaniŭ praktyčnaje stvareńnie ŭsich trenirovačnych miescaŭ, jakija dazvalajuć intensiŭna pravieści roznyja vučeńni ŭ praktyčnaj bajavoj abstanoŭcy, pa vyznačanych CK partyi važnym vajenna-palityčnym zadačam pierad armijaj. Jon padkreśliŭ, što treba aktyŭna vykarystoŭvać trenirovačnyja miescy, kab jany ŭnieśli realny ŭkład va ŭmacavańnie bajazdolnaści Narodnaj armii, dalej umacoŭvać materyjalna-techničnuju bazu i ažyćciaŭlać pastajanny dohlad za imi», — havorycca ŭ infarmacyi CTAK.
Akramia taho, Kim Čen Yn padkreśliŭ, što ŭsie vajskovyja instancyi pavinny adkryć «novy pieryjad burnaha raźvićcia ŭ paskareńni padrychtoŭki da vajny ŭ adpaviednaści z patrabavańniami ciapierašniaj situacyi».
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary