Bieśpiłotnik atakavaŭ mietałurhičny zavod u rasijskim Čarapaŭcy. Domna vyviedziena «ŭ płanavy ramont»
Siońnia kala 6 ranku bieśpiłotnik trapiŭ u Čarapaviecki mietałurhičny kambinat. Jak možna zrazumieć ź inšaskazalnych paviedamleńniaŭ rasijskich vydańniaŭ, ataka była paśpiachovaj.
«Technałahičny incydent», pavodle pres-słužby pradpryjemstva, adbyŭsia ŭ čaćvier ranicaj na pramysłovaj placoŭcy «Sievierstali» ŭ Čarapaŭcy. Paciarpiełych niama, paviedamili ŭ kampanii.
Pry hetym «adzin z ahrehataŭ vyviedzieny ŭ zapłanavany raniej ramont».
Vydańnie «HorodČie» pisała, što kala 5:45 z boku pradpryjemstva čuli huk vybuchu.
U abied vykanaŭčy abaviazki hubiernatara Vałahodskaj vobłaści Hieorhij Filimonaŭ paviedamiŭ, što «incydent» na zavodzie ŭ Čarapaŭcy adbyŭsia z-za traplańnia bieśpiłotnika.
Čarapaviecki mietałurhičny kambinat — druhaja pa vieličyni staleliciejnaja vytvorčaść u Rasii.
6 sakavika bieśpiłotniki paśpiachova atakavali Michajłaŭski horna-abahačalny kambinat u Kurskaj vobłaści. Heta adno z najbujniejšych u Rasii pradpryjemstvaŭ pa zdabyčy i ŭzbahačeńni žaleznaj rudy.
24 lutaha bieśpiłotnik nanios udar pa Navalipieckim mietałurhičnym kambinacie. Heta najbujniejšy ŭ Rasii vytvorca stali.
Ciapier čytajuć
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary