Prezident Ukrainy ŭ tradycyjnym videazvarocie adreahavaŭ na rezanansnyja słovy Papy Franciška pra toje, što «Ukraina pavinna mieć mužnaść padniać bieły ściah i damovicca z Rasijaj pra spynieńnie vajny».
«Rasijskija zabojcy i katy nie iduć dalej pa Jeŭropie tolki tamu, što ich strymlivajuć ukraincy i ŭkrainki sa zbrojaj u rukach i pad sinie-žoŭtym ściaham. Va Ukrainie kaliści było šmat biełych ścien damoŭ i cerkvaŭ, jakija ciapier spalenyja i raźbityja rasijskimi snaradami. I heta vielmi krasamoŭna havoryć pra toje, chto mienavita pavinien spynicca, kab spynić vajnu. Toj, chto abaraniaje žyćcio i ludziej, vykonvaje samuju pačesnuju misiju, jakuju tolki možna vykanać pierad abliččam takoha biesčałaviečnaha ŭvarvańnia…
Kali rasijskaje zło pačało hetuju vajnu 24 lutaha, usie ŭkraincy ŭstali na abaronu. Chryścijanie, musulmanie, jaŭrei — usie. I ja dziakuju kožnamu ŭkrainskamu kapiełanu, jaki z vojskam, u Siłach abarony. Tam, na pieradavoj. Baroniać žyćcio i čałaviectva. Padtrymlivajuć malitvaj, razmovaj i spravaj. Voś što takoje carkva — ź ludźmi.
A nie za dźvie z pałovaj tysiačy kiłamietraŭ — niedzie tam zajmacca virtualnym pasrednictvam pamiž tymi, chto choča žyć, i tymi, chto choča ciabie źniščyć. Ja dziakuju ŭsim, chto va Ukrainie i z Ukrainaj robić usio, kab vyratavać žyćci, ja dziakuju ŭsim, chto dapamahaje i chto sapraŭdy pobač — dziejańniami i malitvami», — skazaŭ Zialenski.
U intervju, jakoje było zapisanaje ŭ lutym, ale było apublikavanie ciapier, Francišak zajaviŭ, što Ukraina pavinna mieć advahu padniać bieły ściah i pačać pieramovy z Rasijaj.
Heta aburyła ŭkrainski bok i inšych zamiežnych palitykaŭ. Vatykanu paźniej daviałosia tłumačyć słovy Papy.
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary