13 сакавіка нафтавая кампанія «Лукойл» паведаміла пра раптоўную смерць свайго віцэ-прэзідэнта Віталя Робертуса. Ён памёр ва ўзросце 53 гадоў. Прычыну смерці топ-менеджара кампанія не назвала.
Выданне The Moscow Times нагадвае, што Робертус стаў ужо чацвёртым топ-менеджарам «Лукойла», які памёр цягам апошніх двух гадоў.
У кастрычніку 2023 года ў 66 гадоў з-за сардэчнай недастатковасці памёр кіраўнік рады дырэктараў кампаніі Уладзімір Някрасаў. Ён узначаліў раду дырэктараў пасля нечаканай смерці папярэдняга кіраўніка Рады Равіля Маганава. 1 верасня 2022 года Маганаў выпаў з верхняга паверха галоўнага корпуса Цэнтральнай клінічнай бальніцы (ЦКБ) і разбіўся.
Да таго ў траўні 2022 года ў падмаскоўных Мыцішчах памёр былы віцэ-прэзідэнт, начальнік Галоўнага ўпраўлення паставак і продажаў «Лукойла» Аляксандр Субоцін. Паводле даных выдання Mash, ягоная смерць настала ў ходзе няўдалага сеансу ў шаманаў, на якім Субоціна з дапамогай жабячай атруты спрабавалі вылечыць ад праблем з алкаголем.
Нечаканыя і загадкавыя смерці апошнім часам рэгулярна здараюцца і сярод топ-менеджменту іншых расійскіх буйных кампаній.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары