Viadomyja brendy bytavoj techniki stali błakavać paralelny impart u Rasiju
Adrazu niekalki bujnych zamiežnych kampanij, jakija zajmajucca vytvorčaściu bytavoj techniki, pačali aktyŭna błakavać paralelny impart svajoj pradukcyi ŭ Rasiju. Pastaŭščykam, jakija parušyli zabaronu na reekspart, pahražaje razryŭ kantraktaŭ.
Jak paviedamlaje hazieta «Kommiersant» sa spasyłkaj na ŭłasnyja krynicy, ceły šerah zamiežnych vytvorcaŭ bytavoj techniki pačaŭ błakavać pastaŭki svajoj pradukcyi ŭ Rasiju pa kanałach paralelnaha impartu.
Sproby spynić paralelny impart u Rasiju svajoj pradukcyi, pavodle infarmacyi vydańnia, stali rabić takija kampanii, jak Electrolux (brendy Electrolux, Zanussi, AEG), Tefal, Braun i Rowenta — heta paćviardžajuć u rasijskim rytejł-siehmiencie.
Pry hetym pradstaŭniki miascovych rytejleraŭ zajavili, što namahańni zamiežnych kampanij pa zabaronie prodažaŭ svajoj techniki ŭ Rasii raspaŭsiudžvajucca i na siehmient markietpłejsaŭ.
Siarod mier, jakija ŭžyvajucca zamiežnymi brendami, nazyvajuć zaklučeńnie ź ich zamiežnymi partniorami asablivych damoŭ, zhodna ź jakimi apošnija abaviazvajucca vykonvać zabaronu na reekspart pradukcyi ŭ Rasiju, a pry nievykanańni ŭmoŭ vytvorcy razryvajuć z parušalnikami kantrakty.
Na dumku apytanych hazietaj ekśpiertaŭ, z-za takich abmiežavańniaŭ brendy, jakija za heta ŭsio surjozna ŭzialisia, mohuć całkam źniknuć z rasijskaha rynku, a ich miesca chutčej za ŭsio zojmuć tavary z Kitaja i Turcyi.
«Jakija, bł…dź, šeryja schiemy?!» Jak biełarusy haniajuć u Rasiju luksavyja jeŭrapiejskija aŭto ŭ abychod sankcyj
Dźmitryj Kruty raspavioŭ, jakija abmiežavańni na rasijskim rynku chočuć likvidavać biełaruskija ŭłady dla svaich vytvorcaŭ
Z rasijskaha rynku moža źniknuć bytavaja technika viadomych zamiežnych brendaŭ
Turcyja raptoŭna spyniła tranzit sankcyjnych hruzaŭ u Rasiju. Mytnaja sistema błakuje ich afarmleńnie
Kamientary