Čamu nie stała Kalcova? Voś jakija viersii abmiarkoŭvajuć u chakiejnaj supołcy
U noč z 18 na 19 sakavika stała viadoma, što va ŭzroście 42 hadoŭ z žyćcia pajšoŭ Kanstancin Kalcoŭ — były hulec NCHŁ i zbornaj Biełarusi, patencyjny trenier minskaha «Dynama», bojfrend Aryny Sabalenki. Viadoma, što žyćcio mužčyny abarvałasia ŭ ZŠA, ale pakul niama nijakaj aficyjnaj viersii nakont taho, ź jakoj pryčyny heta adbyłosia. «Trybuna» raskazvaje, jakija varyjanty abmiarkoŭvaje chakiejnaja supolnaść (na siońnia heta ŭsio vyklučna čutki).
Adarvaŭsia tromb
Takuju viersiju raspaŭsiudžvaje sajt smartpress.by sa spasyłkaj na nienazvanaha supracoŭnika pres-słužby «Sałavata Jułajeva» — ufimskaha kłuba KCHŁ, dzie apošnija paru siezonaŭ pracavaŭ Kalcoŭ.
Hetaja infarmacyja nie vyklikaje vialikaha davieru. Były hulec NCHŁ pajšoŭ z žyćcia ŭ ZŠA. Navat miascovyja miedyja pakul nie paviedamlajuć akaličnaściaŭ situacyi. Jak pra ich daviedalisia ŭ «Sałavacie»? Čamu nie zhadali ŭ aficyjnaj zajavie, jakuju vypuściŭ kłub? Tym nie mienš, niekatoryja anhłamoŭnyja krynicy ŭžo tyražujuć hetuju viersiju.
Niešta z mašynaj
Były trenier zbornaj Biełarusi Uładzimir Krykunoŭ sa spasyłkaj na svajho syna, jaki kaliści taksama hulaŭ u chakiej, skazaŭ, što śmierć Kalcova niejkim čynam źviazanaja z mašynaj. Praŭda, śpiecyjalist vykazaŭsia nie vielmi ŭpeŭniena i źviarnuŭ uvahu na toje, što aficyjnaj viersii pakul niama.
Vypaŭ u akno
Taki kaniec Kalcova ŭ chakiejnym śviecie abmiarkoŭvajuć najbolej. Nibyta śpiecyjalist ź niejkaj pryčyny vypaŭ u akno šmatpaviarchovaha budynka i zahinuŭ. Ci to prosta trahičny incydent, ci to niešta inšaje — heta vobłaść dahadak, kudy nichto nie navažvajecca zachodzić.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary