Francuzskaje telebačańnie pakazała, dzie va Ukrainie mohuć źjavicca francuzskija vojski. Taksama i na miažy ź Biełaruśsiu
Francuzski telekanał LCI pakazaŭ na mapie Ukrainy miescy imaviernaha raźmiaščeńnia francuzskich sałdat, kali ich vyrašać tudy adpravić aficyjna. Vajskovy ekśpiert u efiry raspavioŭ, što ŭsiaho jość dva varyjanty, i adzin ź ich — ukrainska-biełaruskaja miaža.
Francuzski pałkoŭnik u adstaŭcy Vincent Arbarecje pakazaŭ u efiry telekanała LCI miescy, dzie mienavita va Ukrainie Francyja moža raźmiaścić svaje vojski, kali na heta budzie dadzieny aficyjny zahad.
Pa słovach pałkoŭnika, hetymi miescami pavinny stać albo ŭsia ŭkrainska-biełaruskaja miaža, albo ŭvieś pravy bierah Dniapra, albo dva varyjanty adnačasova.
«Raźmiaščeńnie vojskaŭ uzdoŭž Dniapra pakazała b Rasii «čyrvonuju liniju», što joj nielha zachodzić u pravabiarežnuju Ukrainu. A raźmiaščeńnie ŭzdoŭž miažy ź Biełaruśsiu zaścierahło b Kijeŭ. Mahčymaje raźmiaščeńnie i ŭ abodvuch miescach», — zajaviŭ Arbarecje ŭ efiry telekanała LCI.
Jon dadaŭ, što na adnym z hetych miescaŭ Francyja praduhledžvaje raźmiaščeńnie da 20 tysiač svaich vajskoŭcaŭ, a sam fakt takoha zachodu va Ukrainu «dazvolić prymusić Rasiju pajści na pieramovy, vystupajučy z pazicyi parytetu».
Nahadajem, što prezident Francyi Emaniuel Makron niadaŭna vykazaŭsia za imaviernuju adpraŭku zachodnich vojskaŭ va Ukrainu. Paśla jon dadaŭ, što jaho rezanansnyja słovy byli staranna pradumanyja.
U toj ža čas zajavy francuzskaha prezidenta vyklikali niehatyŭnuju reakcyju z boku ŭradaŭ niekatorych krain-sajuźnic, lidary jakich paśpiašalisia zapeŭnić, što nie buduć adpraŭlać vojski. Ale ŭ Jeŭropie znajšlisia i tyja, chto padtrymaŭ ideju Makrona.
Kreml u svaju čarhu hnieŭna adreahavaŭ na vykazvańni Makrona, papiaredziŭšy, što razhortvańnie zachodnich vojskaŭ va Ukrainie niepaźbiežna pryviadzie da kanfliktu pamiž Rasijaj i NATA.
Kiraŭnik MZS Polščy acaniŭ inicyjatyvu Makrona: Pucin budzie pytać siabie, jaki naš nastupny krok
Makron: Nie moža być praciahłaha miru, kali nie budzie viartańnia da mižnarodna pryznanych miežaŭ Ukrainy z Krymam uklučna
Prezident Čechii raspavioŭ, kali prysutnaść vojskaŭ NATA va Ukrainie nie budzie parušać mižnarodnyja normy
Ciapier čytajuć
Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia47
Kamientary
Naš, s svoimi propahandonami, budiet biťsia v istierikie.
No, pacany, vy žie vojuiutie s NATO, jeśli vieriť vašiej istierikie i vašim propahandonam ? Łukašienko točno, jazykom, s 1994 hoda vojujet.
Vot NATO i podchodit k vam, i po vašim prośbam.
Orudijnoje miaso - nasielenije Rośsii, rado.
A biełorusskoje, orudijnoje miaso rado ?