Sud ES źniaŭ sankcyi z byłoha honščyka «Formuły-1» biełaruskaha pachodžańnia
Sud Jeŭrapiejskaha sajuza admianiŭ sankcyi, uviedzienyja suprać rasijskaha honščyka aŭtamabilnaha čempijanatu «Formuła-1» Mikity Maziepina, piša Bi-bi-si.
U sakaviku 2022 hoda Mikita Maziepin trapiŭ u sankcyjnyja śpisy ES u suviazi z tym, što jon vystupaŭ za kamandu Haas, jakuju ŭ minułym finansavała kampanija «Urałkalij», jakaja častkova naležyć baćku honščyka, rasijskamu miljarderu Dźmitryju Maziepinu.
Dźmitryj Maziepin naradziŭsia ŭ 1968 hodzie ŭ Minsku, skončyŭ Minskuju suvoraŭskuju vučelniu. Paśla skančeńnia MHIMO ŭ Maskvie doŭhi čas pracavaŭ u finansavych strukturach Biełarusi i Rasii. U 2007 hodzie ŭznačaliŭ «Urałchim».
Paśla ŭviadzieńnia sankcyj Mikita spyniŭ udzieł u Haas, hetaja kamanda taksama skasavała sponsarskuju damovu z kampanijaj «Urałkalij».
Jeŭrapiejski sud vyrašyŭ, što prysutnaść Maziepina ŭ sankcyjnych śpisach nie moža być apraŭdana tolki tym faktam, što jahony baćka abvinavačvajecca ŭ ciesnym supracoŭnictvie z uładami Rasii.
«Rodnasnyja suviazi z baćkam — niedastatkovaja padstava, kab ličyć jaho źviazanym z baćkam ahulnymi intaresami i, takim čynam, pakinuć jaho ŭ hetych śpisach», — skazana ŭ rašeńni suda.
Sud taksama zaznačyŭ, što Maziepin bolš nie vystupaje za Haas, i tamu ES nie moža pakinuć u sile ŭviedzienyja suprać jaho sankcyi.
Maziepin sprabuje viarnucca ŭ «Formułu-1» i taksama asprečvaje sankcyi, uviedzienyja suprać jaho Kanadaj.
U lutym dypłamatyčnyja krynicy paviedamili Reuters, što admienu sankcyj suprać Mikity Maziepina łabirujuć ułady Vienhryi — krainy, premjer-ministr jakoj zachoŭvaje ciesnyja adnosiny z Uładzimiram Pucinym.
U listapadzie minułaha hoda sud ES admoviŭsia źniać sankcyi suprać baćki Maziepina.
Mikita Maziepin časta publikuje ŭ svaich sacyjalnych sietkach fatahrafii, ź jakich bačna, što jon viadzie raskošny ład žyćcia, u tym liku jon naviedvaŭ PAR i na viertalocie adpraŭlaŭsia na łyžnyja kurorty.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»4
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1212
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch12
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary
Ad sankcyj na Biełkalij vyjhraŭ Urałkalij.