Polšča nie vypuskaje ŭ Biełaruś tranzitnyja aŭtamabili z abjomam ruchavika, bolšym za 1,9 litra
Polšča pierastała vypuskać u Biełaruś tranzitnyja aŭtamabili z abjomam ruchavika, bolšym za 1,9 litra. Paviedamleńnie pra heta sa spasyłkaj na kiraŭnika polskaj mytni i fotazdymak adpaviednaj abviestki na miažy źjavilisia ŭ telehram-čacie «Hranica Polša», zaŭvažyŭ «Biełsat».
Abmiežavańnie zakranaje aŭtamabili BMW i kancernu VAG, jaki vypuskaje marki Volkswagen, Audi, Seat, Škoda dy inšyja. Ułaśniki aŭtamabilaŭ pieraličanych marak musiać padać na mytni dakumient ad vytvorcy, jaki paćviardžaje prava na ekspart mašyny pa-za miežy Jeŭrasajuza.
U hetym dakumiencie maje być paznačana, što vytvorca viedaje, chto pradaje i chto kuplaje aŭtamabil, a ŭhoda nie vyklikaje pieraściaroh datyčna mahčymaha abychodu mižnarodnych sankcyjaŭ. Akramia taho, vytvorca musić paćvierdzić, što viedaje kančatkovaha ŭłaśnika aŭtamabila i ŭpeŭnieny, što mašyna budzie pieramiaščacca tranzitam praz terytoryju Biełarusi ci Rasii ŭ treciuju dziaržavu i padčas tranzitu nie budzie pierapradadzienaja.
Akramia taho, ułaśnik aŭtamabila musić padpisać zajavu, što viedaje pra adkaznaść za falšavańnie takoha dakumienta.
U kancy abviestki pra novaje abmiežavańnie dajecca spasyłka na sankcyjnuju pastanovu Rady Jeŭrasajuza № 833/2014.
«Adrazu navat nie zrazumieli, jak usio kiepska». Biełarus raskazaŭ, jak pierasiakaŭ polskuju miažu
Za čatyry pajezdki ŭ Polšču moža atrymacca narmalnaja biełaruskaja zarpłata. Kolki zarablajuć biełaruskija čaŭnaki
Na chutkasnaj trasie ŭ Polščy biełarus źbiŭ mužčynu, jaki vyjšaŭ na darohu z-za fiermierskaha pratestu
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary