U Mazyry šukajuć rasijskaha vajskoŭca, jaki skraŭ arendny aŭtamabil
Jak havorycca ŭ siužecie haradskoha telekanała ad 27 sakavika, jašče vosieńniu 2023 hoda žychar Rasii arandavaŭ na miesiac Volkswagen Polo. Paśla taho, jak damova skončyłasia, vyjaviłasia, što chłopiec źnik razam z mašynaj, zaŭvažyŭ «Fłahštok».
Pavodle viersii milicyi, 27-hadovy ŭradženiec Vałhahradskaj vobłaści Rasii Mikałaj Radzivonaŭ na arandavanym aŭto vyjechaŭ u Rasijskuju Fiederacyju. Kryminalnuju spravu na jaho zaviali nie pa fakcie ŭhonu, a za machlarstva ŭ asabliva bujnym pamiery: mašyna kaštuje bolš za 44 tysiačy rubloŭ (zvyš 13 tysiač dalaraŭ).
Milicyja apublikavała pašpartnyja źviestki padazravanaha i źviarnułasia da tych, chto što-niebudź viedaje pra miescaznachodžańnie rasiejca.
«Fłahštoku» ŭdałosia daviedacca, što havorać pra heta zdareńnie ŭ Mazyry.
«Rasiejec nios słužbu na vajskovym aeradromie Bokaŭ. U Mazyry paznajomiŭsia ź miascovaj žycharkaj, jana zaciažaryła. Vyrašyli źjechać u Rasiju. Pierad hetym uziaŭ u arendu aŭto. Mašynu, napeŭna, užo pa zapčastkach pradaŭ».
Radzivonaŭ znachodziŭsia ŭ Biełarusi ŭ składzie rasijskich padraździaleńniaŭ na aeradromie ŭ Bokavie, jakija źjavilisia paśla rasijskaha ŭvarvańnia va Ukrainu. Jon moh słužyć u jakaści kantraktnika ŭ 1530-m zienitna-rakietnym pałku abo ŭ zabieśpiačeńni aeradroma ŭ 36-m asobnaj Łazoŭskaj motastrałkovaj bryhadzie.
Źjaviłasia VIDEA pieramiaščeńnia vajskovaj techniki i rakietnaha abstalavańnia kala aeradroma ŭ Ziabraŭcy
«Idzie vajna, a našy ź pistalecikami i flikierami». Jak biełaruskaja miaža vyhladała ŭ pieršyja miesiacy rasijskaha ŭvarvańnia va Ukrainu
U Žłobinie na padvorkach staviać rasijskija ściahi. Miascovyja siłaviki heta tolki vitajuć
U niekrałohu rasijskaha praparščyka ŭspłyli padrabiaznaści pracy ŭ Homieli vajskovych miedykaŭ RF u pačatku vajny
Kamientary
Ale husara nie znajści,
bo jon prajezdam byŭ z Maskvy.
Jon słužyć tam u PVO,
nie zmožaš ty najci javo.
Najchutčej hetaha złodzieja ŭžo červi na pierahnoj razabrali niedzie pad Bachmutam.