Ruski psieŭdanarodny taniec dziaŭčatak z Oršy ŭzarvaŭ tyktok. Ale vy nie zdahadajeciesia, za što ich pačali chejcić
Videa vystupu aršanskich dziaŭčatak nabrała kala 2 miljonaŭ prahladaŭ u tyktoku i bolš za 100 tysiač łajkaŭ. Ale ŭ kamientarach adznačylisia sotni aburanych amataraŭ rasijskaj kultury. Što ž ich tak razzłavała?
Pieršaje videa, jakoje zavirusiłasia, nabrała ažno 1,3 miljona prahladaŭ. Dziaŭčatki z uzornaj cyrkavoj studyi «Arena» litaralna «vypłyli» na scenu ŭ strojach, stylizavanych pad ruskija narodnyja. Muzyka taksama hučała adpaviednaja. Sakret płaŭnych ruchaŭ aršanak u tym, što pad doŭhimi sukienkami byli schavanyja hiraskutary.
Mienavita sučasnyja technałohii i vyklikali šmat abureńnia ŭ ruskamoŭnych kamientataraŭ: «Sapraŭdny ansambl i biez hiraskutaraŭ płyvie», «Raniej «Biarozka» tančyła na svaich nahach. Nie rasčaroŭvajcie!», «Pryhoža, ale raniej i biez hiraskutaraŭ tak tančyli», «Nožkami ŭžo nie tančym!», «Pamiataju, jak na dybačkach raniej tančyli… Byli časy».
Zdajecca, čałaviek, jaki viadzie tyktok-akaŭnt «Arena», stamiŭsia tłumačyć kožnamu ekśpiertu, što ich kalektyŭ cyrkavy, a nie chareahrafičny. U nastupnym videa bačna, što dziaŭčatki pazbaŭlajucca doŭhich sukienak i pačynajuć vykonvać na hiraskutarach roznyja składanyja akrabatyčnyja elemienty.
Paśla hetaha ŭsio ž źjaviłasia šmat pazityŭnych kamientaryjaŭ, kali ludzi zachaplalisia sprytam junych artystak. Ale ŭsio adno znachodzilisia i tyja, chto niezadavolena pytaŭ: «A taniec dzie?».
Pamiatajecie chłopca, jaki praśpiavaŭ pieśniu NaviBand i staŭ zorkaj tyktoku? Jon raskazaŭ, jak atrymaŭ prytułak u ZŠA
«Erkiuli Puaro ź Pieršamajskaha RUUS»: anhłamoŭny stendapier ź Biełarusi trolić milicyju, dapamahajučy šukać samoha siabie
Chłopcy sa Śmiłavickaha kaledža sa stalovymi ružami ŭzarvali tyktok
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła10
Kamientary
🚯 Słova «chiejtiť» (albo «ch..jtiť») spres nie biełaruskaje, varožaje. Ale što kazać tym, chto tak lubić słoŭcy kštałtu «virusicca» (niby karonavyras ichni), ci rvać internet (jak Tuzik hrełku), albo — a kab vas! — uzryvać jaho (musić, padobna stancyjam metra?).
🗣️ I nijak nia stomiacca vyhukvać da «krypaty» ŭ horle hetki voś naciahnuty z Rasiei słoŭny chłuzd. Nu, ci nia «šuciery»?! Choć jakaja roźnica, «narubić» babła b, a chamiački j takoje «schávajut». Chamiački, davajma łaj. Łaj-«łajk»!