Stryžak pościć fota z Hrodna, a Hierasimienia radujecca, što vybrałasia na Minskaje mora. Što?
Siońnia kiraŭnik «Bajsoła» Andrej Stryžak namiaknuŭ, što viarnuŭsia ŭ Biełaruś. Jon zapościŭ fota z podpisam «Pryvitańnie, Horadnia!» i paznačyŭ hieałakacyju — centr Hrodna. U kamientaryjach pytajucca, ci nie pakusaŭ jaho skandalna viadomy mastak Alaksiej Kuźmič. Što adbyvajecca?
Nasamreč, nie tolki Stryžak siońnia paviedamiŭ pra viartańnie na radzimu. Alaksandra Hierasimienia, alimpijskaja pryziorka pa płavańni, u instahramie pachvaliłasia, što ŭ jaje narešcie atrymałasia vybracca na Minskaje mora razam z Natallaj Radzinaj, hałoŭnaj redaktarkaj «Chartyi'97».
Lavon Volski ŭ fejsbuku pieradaŭ pryvitańnie z univiersama «Centralny».
Juryj Stylski sfatahrafavaŭsia pobač z aŭtobusam «Urocłaŭ-Pinsk» i padpisaŭ: «Rejs Pieramoha! Chto sustrenie?». Padpisčyki adreahavali pytańniem: «Cikava, kolki chłopčykaŭ u formie zaraz pabiehli praviarać infu?».
A voś muzyka Siarhiej Doŭhušaŭ vyrašyŭ viarnucca ŭ krainu samalotam i zapościŭ fota na fonie nadpisu «Welcome to Belarus» u Nacyjanalnym aeraporcie «Minsk». Siabry jamu padyhrali: «Niečakana było ciabie siońnia sustreć u Łošyckim parku. Dziakuj za kavu».
Kaniešnie, pryčyna takoha raptoŭnaha pryjezdu biełarusaŭ na radzimu nie ŭ tym, što kamisija pa viartańni pačała dobra pracavać. Usio prosta: na kalendary 1 krasavika. Śmiešnyja takija žarty ci sumnyja — vyrašać vam.
«Budzie viedać, adkul rodam». Biełaruski raskazali, jak i čamu viartalisia ŭ Biełaruś z-za miažy naradžać
«Ledź nie pamior sa strachu». Ajcišnik raskazaŭ, jak jeździŭ u Biełaruś pradavać kvateru
«Vyjšaŭ ź lohkim škadavańniem». Biełarusy raskazali, jak prymali novaje hramadzianstva i što rabili sa starym
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ11
Kamientary