Pucin zapatrabavaŭ znajści «kančatkovych bienieficyjaraŭ» ataki na «Krokus»
«My, biezumoŭna, da ich dabiaromsia», — kaža prezident Rasii.
Rasijski prezident Uładzimir Pucin, jaki raniej vystupaŭ ź biazdokaznymi zajavami ab datyčnaści Ukrainy da napadu ŭ «Krokus Sici Chole», adkaznaść za jakoje ŭziali na siabie radykalnyja isłamisty, u aŭtorak zahavaryŭ ab niejkich «bienieficyjarach hetaha złačynstva», piša Bi-bi-si.
«Tyja, chto ŭžyvajuć hetuju zbroju, a hetaja zbroja, jakaja ŭžyvajecca suprać Rasii, pavinny razumieć, što jana ŭzajemna vostraja», — skazaŭ Pucin na pašyranym pasiedžańni kalehii MUS Rasii.
«Nam važna ŭstanavić nie tolki niepasrednych vykanaŭcaŭ, ale i ŭsie źviony łancužka, kančatkovych złačynnych bienieficyjaraŭ hetaha złačynstva. My, biezumoŭna, da ich dabiaromsia», — dadaŭ jon.
«U hetym asiarodku niama nadziejnaj ahientury. Tam robiać za hrošy ŭsio, što zaŭhodna, kirujučysia nie relihijnymi, nie palityčnymi mierkavańniami, a tolki finansavymi. Lubaja infarmacyja lohka kuplajecca i pradajecca», — praciahnuŭ Pucin, nie ŭdakładniajučy, pra jaki asiarodak jon kaža.
Pa spravie ab napadzie ŭ «Krokusie» aryštavany 10 čałaviek. Pieršych ź ich pryvieźli ŭ sud sa śladami źbićcia abo katavańniaŭ. Videa ź mierkavanymi katavańniami byli apublikavany ŭ telehramie.
Z zajavaŭ rasijskaha śledstva vynikała, što abvinavačanyja mahli dziejničać dziela hrošaj. U adnym z pres-relizaŭ SKR havorka išła ab tym, što za hrašyma jany pavinny byli pryjechać u Kijeŭ.
Ukraina nazyvaje abvinavačańni ŭ svoj adras absalutna łžyvymi.
Pucin u novym vystupie taksama vystupiŭ sa śćviardžeńniem ab tym, što metaj tych, chto napadaŭ na «Krokus» «i ich zakazčykaŭ», było pasiejać «razład i paniku, zvady i nianaviść u našaj šmatnacyjanalnaj krainie, raskałoć Rasiju znutry».
ZŠA papiaredzili Rasiju ab padrychtoŭcy teraktu, ale infarmacyi nie chapiła, kab vyjavić terarystaŭ — Naryškin
Paciarpiełyja pry terakcie ŭ «Krokusie» źviarnulisia ŭ SK z zajavaj suprać uładalnikaŭ kancertnaj zały
«Pierad vačyma staić hety moj zabieh i słovy ź pieśni pra myšałoŭku». Biełaruska, jakaja ŭratavałasia ŭ «Krokusie», raskazała, jak joj heta ŭdałosia
U maskoŭskim adździele palicyi pamior uradženiec Čačni, jakoha zatrymali paśla terakta ŭ «Krokusie»
Reuters: Iran papiaredžvaŭ rasijskija śpiecsłužby pra padrychtoŭku napadu na «Krokus»
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3434
Kamientary