Biełaruś uvachodzić u lik krain z samym nizkim uzroŭniem teraryzmu
89 miesca ŭ śviecie ŭ hłabalnym indeksie teraryzmu 2024 hoda. Hłabalny indeks teraryzmu (Global terrorism Index) vymiaraje ŭzrovień terarystyčnaj aktyŭnaści ŭ krainach śvietu z 2012 hoda. Indeks raspracavany mižnarodnaj hrupaj ekśpiertaŭ pad kantrolem Instytuta ekanomiki i miru (Institute for Economics and Peace) Sidnejskaha ŭniviersiteta, piša Thinktanks.by.
Raźlikovaja častka indeksa vykananaja na asnovie infarmacyi za 2023 hod z hłabalnaj bazy danych teraryzmu Nacyjanalnaha kansorcyuma pa vyvučeńni teraryzmu pry Univiersitecie štata Merylend — najbujniejšaj u śviecie statystyčnaj bazy ab terarystyčnaj dziejnaści, jakaja źmiaščaje infarmacyju pra bolš čym 100 tysiač vypadkaŭ terarystyčnych aktaŭ za apošnija dziesiacihodździ.
Biełaruś uvajšła ŭ hrupu krain z nulavym upłyvam teraryzmu, padzialiŭšy 89-je miesca z 79 inšymi krainami. U lik hetych krain taksama ŭvajšli Łatvija i Polšča.
Rasija zaniała 35-je miesca ŭ rejtynhu. Uzrovień teraryzmu ŭ hetaj krainie aceńvajecca jak nizki. Ukraina apynułasia na 54-m miescy ŭ rejtynhu z acenkaj «vielmi nizki».
Pieršyja dva miescy ŭ rejtynhu zaniali Burkina-Faso i Izrail. Imaviernaść terarystyčnych napadaŭ u hetych dźviuch krainach aceńvajecca jak vielmi vysokaja.
Burkina-Faso ŭpieršyniu stała krainaj z najbolšym uździejańniem teraryzmu: za hod kolkaść śmierciaŭ ad teraryzmu pavialičyłasia na 68%. Čverć usich śmierciaŭ ad teraryzmu, jakija adbylisia ŭ śviecie, adbyłasia ŭ Burkina-Faso.
U cełym, kolkaść achviar teraryzmu ŭ 2023 hodzie vyrasła da 8352 čałaviek, što na 22% bolš, čym u papiarednim hodzie. Pry hetym kolkaść terarystyčnych napadaŭ skaraciłasia da 3350 u 2023 hodzie, heta na 23% mienš, čym u 2022 hodzie.
U 2023 hodzie kolkaść śmierciaŭ ad teraryzmu ŭ Afhanistanie skaraciłasia na 519 čałaviek. Heta pieršy hod z 2019 hoda, kali Afhanistan nie staŭ krainaj, jakaja najbolš paciarpieła ad teraryzmu.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty17
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary