Łukašenka choča skaracić kolkaść bankaŭ u Biełarusi, kab nie stvarać zališniuju kankurencyju i nie «adciahvać śpiecyjalistaŭ», paviedamlaje jaho pres-słužba.
«Aptymizacyju bankaŭ treba pravieści, treba na ich pahladzieć. U nas nie chapaje dzieści tam ludziej. U APK i inšaje. A na adnu takuju krainu, moža, nam stolki nie treba bankaŭ, kab adciahvalisia śpiecyjalisty. Heta kłasnyja śpiecyjalisty, finansisty», — skazaŭ Łukašenka, pryznačajučy siońnia Siarhieja Stalarčuka novym kiraŭnikom Banka raźvićcia.
«Nam treba pahladzieć. Z bankaŭskaj sistemaj treba surjozna papracavać ciapier, niahledziačy na składanyja časy. I prymać rašeńnie budziem abo siońnia, abo zaŭtra, abo paślazaŭtra. A, moža, i naohuł nie budziem prymać rašeńnia. Ale treba pahladzieć. Tamu što zanadta šmat voś hetych paralelaŭ.
Nu navošta nam u Biełarusi, dzie ŭvohule finansavaja sistema ŭstojlivaja i dyscyplinavanaja, resursaŭ lišnich niama, mora hetych resursaŭ niama, zališniaja kankurencyja», — daručyŭ Łukašenka pieršamu namieśniku i namieśniku kiraŭnika svajoj administracyi Maksimu Ryžankovu i Alaksandru Jahoravu.
Pa stanie na siońniašni dzień u Biełarusi pracuje 21 bank.
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi5
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
a čynoŭnikaŭ jon nie choča ŭ APK i inšaje?
Psichijatry sumna nazirajuć, jak chvory sialanski jołupień zdiekujecca nad krainaj biełarusaŭ.