Pałacava-parkavy ansambl pradajuć na radzimie Chaima Sucina ŭ Śmiłavičach Červieńskaha rajona.
Pałac pradajuć za 3 748 655 rubloŭ (prykładna 1,15 młn dalaraŭ) pakupnik atrymaje budynak płoščaj 1 142 m2, paviedamlaje 1prof.by.
U im dva pavierchi i 30 pakojaŭ. Taksama novy ŭłaśnik atrymaje ŭčastak u 3,5 ha, na jakim, akramia pałaca, raźmieščany pryrodny pomnik miascovaha značeńnia — park Śmiłavičy. Sam pałac uvachodzić u śpis historyka-kulturnych kaštoŭnaściaŭ Biełarusi.
Prykładna 10 hadoŭ abjektam vałodała pryvatnaja firma, jakaja paśpieła pravieści ŭ pałacy častkovuju restaŭracyju: źniesła staryja prybudovy, ačyściła pamiaškańni ad śmiećcia, vykanała niekatoryja čarnavyja pracy i praviała kamunikacyi. Ale rekanstrukcyja ŭsio jašče nie skončana, zaviaršyć jaje pavinien budzie novy ŭładalnik.
Pałac u Śmiłavičach pabudavaŭ u pačatku XIX stahodździa Stanisłaŭ Maniuška — dzied Michaiła Ahinskaha. Ad taho pałaca zastałasia tolki vieža ŭ psieŭdahatyčnym styli i niekalki starych ścien z čyrvonaj cehły. Novy pałac, jaki zachavaŭsia da našych dzion, pačaŭ budavać Alaksandr Maniuška. Zaviaršylisia raboty tolki ŭ 1900 hodzie. Abodva budynki złučyli halerejaj.
U saviecki čas pałac staŭ korpusam sielskahaspadarčaha technikuma. Za XX stahodździe budynak niekalki razoŭ pierabudoŭvali. Da 2000-ha niekalki razoŭ pierabudavany budynak pryjšoŭ u taki žałasny vyhlad, što tahačasnamu ŭładalniku — Minsielhascharču — pryjšłosia pradać jaho ciapierašniamu ŭładalniku.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ70
Kamientary