Šalona papularnaja minskaja błohierka patraciła na śviatkavańnie dnia naradžeńnia amal $16 tysiač
A siarod padarunkaŭ Kaciarynie Čareška było navat nadmahille.
Na biełaruskuju błohierku Kaciarynu Čareška ŭ instahramie padpisana 567 tysiač čałaviek. Jana stvaryła papularny marafon dla pachudzieńnia «Tłuščatop».
U žniŭni Kaciaryna maštabna adśviatkavała svajo 35-hodździe, a ciapier vyrašyła raskazać padpisčykam, kolki ŭsio kaštavała.
Za svoj vobraz błohierka addała $2100. Darečy, sukienka była vielmi niebanalnaja. Sama Kaciaryna pryznajecca, što ŭ jaje žyćci nie było bolš składanaha ŭboru. Sukienka zroblena ź mietaličnaj sietki, da jakoj prymacavali tysiačy strazaŭ.
Ale ž vysoki košt nie staŭ abaronaj ad niepryjemnych siurpryzaŭ. Jašče da pačatku śviatkavańnia Kaciaryna pajšła zapisać videa ŭ novym vobrazie.
Sukienka padviała jašče padčas zdymkaŭ — pačała rvacca, a ŭ siaredzinie viečaryny hatova była kančatkova pakinuć uładalnicu, tamu Kaciarynie pryjšłosia pieraapranacca ŭ zapasnuju sukienku. Taja, darečy, była značna bolš kamfortnaj.
Arenda placoŭki paciahnuła $1000. Miescam praviadzieńnia viečaryny Kaciaryna abrała «Premium ivent park».
Niekalki hadoŭ tamu interjeraŭ hetaha «pałaca» saromielisia navat ryełtary, jakija nie mahli zdać jaho ŭ arendu (za miesiac uładalnik chacieŭ atrymlivać $7 tysiač). Chadziła šmat žartaŭ na temu kryndžu ŭ Kryžoŭcy.
Imavierna, u vyniku katedž, uzrovień pafasu jakoha zaškalvaŭ, pradali i pierarabili ŭ miesca dla darahich iventaŭ.
Za kiejterynh Kaciaryna zapłaciła $3700, jašče $400 — za ałkahol i $500 — za vyjazny bar, $200 — za kaljany. Nu i jak biez torta — jon kaštavaŭ $120.
Dekor paciahnuŭ ź biudžetu $1550. Spatrebiłasia i arenda kresłaŭ — $150.
Viadučy Uładzimir Burko svaje pasłuhi acaniŭ na $1200. Kavier-bend «Jarkija» paprasiŭ $1150. Na huk i śviatło patracili $1920. Fatohraf uziaŭ $1000, ryłs-mejkier — $230. Kaardynatar adpracavaŭ za $120.
Byli jašče niejramiemy — za ich stvareńnie ŭziali $250.
Za tranśfier błohierka addała $100. I na raźvitańnie klinieru $50.
Kaciaryna ahučyła ahulnuju sumu — $15740.
Błohierka pakazała i padarunki, jakija atrymała ad haściej. Samym niezvyčajnym było nadmahille. Siabroŭka padaryła Kaciarynie pińjatu ŭ vyhladzie pomnika. Na im było paznačana imia i proźvišča, data naradžeńnia, zamiest daty śmierci — znak biaskoncaści.
A zamiest fotazdymka — lusterka. Byŭ i podpis: «Ty dobraja, ale ja lehienda. Pomnik vyrableny ź pierapracavanych chiejtaraŭ». Bonusam da nadmahilla była pajezdka ŭ Sankt-Pieciarburh na ekskursiju pa mohiłkach.
Kaciaryna padarunak acaniła: «Heta vielmi kruta! Kali vy dumajecie, što heta tu mač, vy mianie drenna viedajecie».
Pryjorbank admoviŭsia zrabić kartku šalona papularnaj błohiercy praz toje, što jana ŭ śpisie ekstremistaŭ
Minskaja błohierka raspaviała, što tracić na žyćcio $ 10‑15 tysiač štomiesiac — i joj nie chapaje. Ale vierać u heta nie ŭsie
Praŭładnaja błohierka Andžyliša, jakaja kanfliktavała z kampanijaj niaviestki Łukašenki, vyjšła zamuž
Kamientary
[Zredahavana]