Usiaho letaś u Biełarusi zarehistravali šlub 56 044 pary, paviedamlaje Nacyjanalny statystyčny kamitet. Ličba supastaŭnaja z 2022 hodam: tady za 12 miesiacaŭ zarehistravali 57 901 novuju siamju. Što tyčycca razvodaŭ, to ŭ 2023-m ich aformili 33 962 razy. Pakazčyk krychu nižejšy, čym hodam raniej: tady skasavali aficyjnyja stasunki 33 980 par, piša Onliner.by.
Siaredni ŭzrost ludziej, jakija ŭpieršyniu ŭstupajuć u šlub, za hod praktyčna nie źmianiŭsia. Dla žančyn heta 26,5 hoda, dla mužčyn — 28,8 hoda.
Čaściej za ŭsio pary rastajucca z 5-ha pa 9-y hod šlubu: na hetyja hady prypadajuć 26,1% razvodaŭ. Trochi radziej spynić adnosiny navažvajucca z 1-ha pa 4-y hod šlubu — 25% par, jakija razvodziacca. A voś pieršy hod sumiesnaha žyćcia nie pieražyvajuć krychu bolš za 3% maładych.
Siemji biez ahulnych dziaciej raspadajucca čaściej za astatnich — na ich prypadaje 41,1% usich razvodaŭ. Na pary z adnym dziciem — 36,9% skasavanych šlubaŭ, na siemji z dvuma dziećmi i bolš — 21,9%.
Biełstat taksama padzialiŭsia statystykaj pa zaklučeńni šlubu z zamiežnymi hramadzianami. Čaściej, čym ź inšych krain, akramia samich biełarusak, mužčyny vybirajuć niaviest z Rasii, Ukrainy, Kazachstana, Litvy i Łatvii. U toj ža čas biełaruskija niaviesty zaklučajuć šlub z hramadzianami Rasii, Ukrainy, Litvy, Turcyi i Turkmienistana.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary