Napad na handlovy centr u Sidnei. Šeść čałaviek zahinuli, sotni evakujavali
Niekalki čałaviek paranienyja.
Nieviadomy mužčyna napaŭ z nažom na naviedvalnikaŭ handlovaha centra, raźmieščanaha niepadalok ad aŭstralijskaha plažu Bondzi ŭ Sidnei. Niekalki čałaviek atrymali nažavyja ranieńni, sotni ludziej evakujavanyja, paviedamlaje Bi-bi-si.
Jak paviedamlajuć aŭstralijskija ŚMI, u vyniku napadu šeść čałaviek zahinuli, jašče niekalki atrymali ranieńni.
U zajavie palicyi Novaha Paŭdniovaha Uelsa havorycca, što «krytyčny incydent pačaŭsia z taho, što ŭ Bondzi-Džankšn mužčyna adkryŭ stralbu».
«Niezadoŭha da 16:00 [6:00 pa Hrynvičy, 8:00 pa Minsku] ź Viestfiłd-Bondzi-Džankšn pastupili paviedamleńni ab niekalkich paciarpiełych ad nažavych ranieńniaŭ, kudy byli nakiravany słužby ekstranaj dapamohi».
Pa słovach adnaho ź vidavočcaŭ, mužčyna vyhladaŭ «raśsiejanym i chaatyčnym».
Paciarpieli vosiem čałaviek, siarod ich adno dzicia. Niekalki paranienych znachodziacca ŭ ciažkim stanie.
Napadnika zastrelili palicyjanty, jaho matyvy nieviadomyja. Siłaviki miarkujuć, što mužčyna dziejničaŭ u adzinočku.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary