Напад на гандлёвы цэнтр у Сіднэі. Шэсць чалавек загінулі, сотні эвакуявалі
Некалькі чалавек параненыя.
Невядомы мужчына напаў з нажом на наведвальнікаў гандлёвага цэнтра, размешчанага непадалёк ад аўстралійскага пляжу Бондзі ў Сіднэі. Некалькі чалавек атрымалі нажавыя раненні, сотні людзей эвакуяваныя, паведамляе Бі-бі-сі.
Як паведамляюць аўстралійскія СМІ, у выніку нападу шэсць чалавек загінулі, яшчэ некалькі атрымалі раненні.
У заяве паліцыі Новага Паўднёвага Уэльса гаворыцца, што «крытычны інцыдэнт пачаўся з таго, што ў Бондзі-Джанкшн мужчына адкрыў стральбу».
«Незадоўга да 16:00 [6:00 па Грынвічы, 8:00 па Мінску] з Вестфілд-Бондзі-Джанкшн паступілі паведамленні аб некалькіх пацярпелых ад нажавых раненняў, куды былі накіраваны службы экстранай дапамогі».
Па словах аднаго з відавочцаў, мужчына выглядаў «рассеяным і хаатычным».
Пацярпелі восем чалавек, сярод іх адно дзіця. Некалькі параненых знаходзяцца ў цяжкім стане.
Нападніка застрэлілі паліцыянты, яго матывы невядомыя. Сілавікі мяркуюць, што мужчына дзейнічаў у адзіночку.
Цяпер чытаюць
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары