U Tbilisi prachodzić čarhovaja akcyja suprać «zakona ab zamiežnych ahientach». Apazicyja baicca, što jaho prymajuć, kab zadušyć demakratyju.
«Nie — rasijskamu zakonu!» — skandujuć na videa. Va ŭdzielnikaŭ akcyi ściahi Hruzii i Jeŭrasajuza.
Pratestoŭcy sabralisia pierad parłamientam Hruzii.
Da parłamienta vyvieli śpiecnaz, praśpiekt Rustavieli, centralny ŭ Tbilisi, pierakryty. Palicyja taksama pierakryvaje vulicy, jakija viaduć da ŭvachodu ŭ parłamient. Tut staić śpiecnaz.
Na praśpiekcie Rustavieli pastavili scenu, tam vystupajuć aktyvisty. Siarod pratestoŭcaŭ artysty, studenty, palityki, pradstaŭniki niaŭradavych arhanizacyj i šarahovyja hramadzianie.
Arhanizatary akcyi zaklikajuć udzielnikaŭ nie paddavacca na pravakacyi. MUS Hruzii raspaŭsiudziła zajavu, zhodna ź jakoj u parłamienty mabilizavanyja supracoŭniki roznych padraździaleńniaŭ viedamstva, jakija majuć achoŭvać hramadski paradak.
Kiroŭnaja ciapier u Hruzii partyja «Hruzinskaja mara» hod tamu adklikała hety zakonaprajekt z-za maštabnych pratestaŭ, ale ciapier inicyjavała jaho paŭtorna. U partyi zajavili, što tekst zakonaprajekta zastajecca raniejšym, z adzinym adroźnieńniem — termin «ahient zamiežnaha ŭpłyvu» budzie zamienieny na termin «arhanizacyja, jakaja pravodzić intaresy zamiežnaj siły».
Pryniaćcie zakona, na dumku jaho krytykaŭ, udaryć pa niezaležnych ŚMI i hramadzianskim siektary, a taksama stanie surjoznaj pieraškodaj na šlachu Hruzii ŭ ES.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła9
Kamientary