Tarancina pieradumaŭ zdymać «Kinakrytyka». Film mieŭsia stać apošnim u karjery režysiora
Tarancina admoviŭsia ad hetaha filma jak ad svajho 10-ha i apošniaha prajekta. Jon prosta pieradumaŭ, paviedamlaje Deadline.
Heta stała samym vialikim siurpryzam dla prychilnikaŭ Tarancina.
Tarancina źbiraŭsia zaprasić Breda Pita na hałoŭnuju rolu, što stała b ich treciaj sumiesnaj pracaj paśla «Biassłaŭnych vybladkaŭ» i «Adnojčy ŭ Halivudzie». Chadzili čutki, što ŭ im mohuć pryniać udzieł mnohija akciory ź jaho minułych filmaŭ, i Sony rychtavałasia da zdymak hetaha filma paśla takoj vydatnaj pracy nad apošnim.
Chadzili čutki, što Tarancina pierapisaŭ svoj scenar, praz što adkłaŭ pačatak zdymak. Ale heta jaho 10-y i apošni film, i Tarancina prosta vyrašyŭ, što «Kinakrytyka» nie budzie.
Raniej režysior raspavioŭ, što padziei buduć razhortvacca ŭ 1977 hodzie. Historyja zasnavana na asobie realnaha čałavieka-kinakrytyka, jaki nikoli nie byŭ pa-sapraŭdnamu znakamity i pisaŭ recenzii na filmy dla pornahrafičnaha časopisa. Imavierna, natchnieńnie pastanoŭščyk čerpaŭ z padziej, jakija adbyvalisia ź im. Da taho jak prasłavicca, Tarancina padpracoŭvaŭ, zahružaŭ u aŭtamat filmy dla darosłych.
Režysior pryznaŭsia, što ŭ adnym z časopisaŭ dla darosłych jamu padabaŭsia raździeł, pryśviečany kino. Byŭ adzin krytyk, jaki zrabiŭ na budučuju znakamitaść asablivaje ŭražańnie.
Zorka Tarancina ŭzyšła paśla vychadu filma «Šalonyja sabaki» 1992 hoda, u jakim źnialisia Charvi Kiejtel, Cim Rot, Styŭ Bušemi, Majkł Medsen. Hetyja akciory i dalej zdymalisia ŭ filmach Tarancina. A suśvietnaja słava pryjšła da Tarancina praz dva hady ŭžo z «Kryminalnym čytvom».
Potym byli «Džeki Braŭn», dźvie častki «Zabić Biła», «Biassłaŭnyja vybladki», «Dokaz śmierci», «Džanha vyzvaleny», «Miarzotnaja vaśmiorka».
Mackievič: Nie para asprečvać lidarstva Cichanoŭskaj. Jana vielmi dobraja ŭ jakaści lidarki6
Mackievič: Nie para asprečvać lidarstva Cichanoŭskaj. Jana vielmi dobraja ŭ jakaści lidarki
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary