Piaskoŭ: Pry realizacyi płanaŭ Polščy ab jadziernaj zbroi budzie dadzieny adkaz
«Vajskoŭcy, zrazumieła, buduć analizavać u vypadku realizacyi», — kaža pres-sakratar Pucina.
Pry realizacyi Polščaj płanaŭ raźmiaščeńnia na svajoj terytoryi jadziernaj zbroi Maskvoj buduć zrobleny kroki dla harantavańnia biaśpieki Rasii, pra heta zajaviŭ pres-sakratar prezidenta RF Dźmitryj Piaskoŭ, piša «Sputnik».
Raniej polski prezident Andžej Duda zajaviŭ, što ŭłady krainy hatovyja pajści na raźmiaščeńnie na svajoj terytoryi amierykanskaj jadziernaj zbroi.
Piaskoŭ prakamientavaŭ hetuju zajavu.
«Vajskoŭcy, zrazumieła, buduć analizavać u vypadku realizacyi. Ja dumaju, u lubym vypadku buduć rabić usie nieabchodnyja kroki ŭ adkaz, kab harantavać našu biaśpieku», — skazaŭ pradstaŭnik Kramla.
Raniej premjer-ministr Polščy Matevuš Maraviecki zajaŭlaŭ, što Varšava chacieła b raźmiaścić u siabie jadziernuju zbroju z ZŠA ŭ adkaz na raźmiaščeńnie rasiejskaj u Biełarusi.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary