Niekalki ŭdzielnikaŭ hurta «Bi-2» paprasili hramadzianstva Małdovy
Hramadzianstva daduć u intaresach Małdovy.
Niekalki ŭdzielnikaŭ hrupy «Bi-2» i členaŭ ich siemjaŭ 23 krasavika padali dakumienty na atrymańnie hramadzianstva Małdovy. Pra heta paviedamiŭ kiraŭnik kabinieta prezidenta krainy Mai Sandu Adryjan Bełuceł, piša Newsmaker.md.
Jak adznačyŭ Bełuceł, represii ŭ dačynieńni da hrupy «Bi-2» pačalisia paśla taho, jak jaje ŭdzielniki vykazali svaju pazicyju suprać vajny, jakuju Rasieja raźviazała va Ukrainie. Jon adznačyŭ, što ŭ Małdovie tvorčaść hurta ceniać užo niekalki pakaleńniaŭ.
«Naša kraina była, jość i zastaniecca siabroŭskaj da ŭsich ludziej, jakija chočuć žyć u miry i ŭzajemarazumieńni. My — haścinny narod, jaki adkryŭ dźviery i raskryŭ abdymki dla ŭsich ludziej, jakija šukajuć vyratavańnia ad vajny. I my budziem dapamahać usim, chto vystupaje za mir – i kaho za heta pieraśledujuć. ( … ) U našaj krainie zaŭsiody znojdziecca miesca dla tych, chto vystupaje za mir, spryjaje raźvićciu kultury, hramadzianskamu vychavańnia i mižnacyjanalnaj družby», — napisaŭ Bełuceł.
Zajavy ab atrymańni hramadzianstva nakirujuć prezidentu Mai Sandu. Jak adznačyŭ kiraŭnik Kabinieta Sandu, «dakumienty buduć razhladać u paradku pracedury «pradastaŭleńnia hramadzianstva ŭ intaresach Małdovy».
Chutčej za ŭsio heta nie Lova i Šura, u jakich jość hramadzianstva Izraila.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki7
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary