U Minsku pradajecca smart-kvatera pamieram 15 kvadrataŭ. Ci to studyja, ci to kavalerka, i cana kusajecca
U Minsku, na vulicy Alšeŭskaha, za $34 000 pradajecca kvatera pamieram usiaho 15,5 kvadratnaha mietra. Uładalnik apisvaje jaje z prystaŭkaj «smart» i śćviardžaje, što heta idealnaje žyllo dla adnaho čałavieka ci maładoj pary, piša Onliner.by.
Žyllo možna znajści na pieršym paviersie panelki 1979 hoda. Tym nie mienš sam interjer vyhladaje vielmi navat sučasna: łaminat na padłozie, pryjemnaha adcieńnia špalery na ścienach, novaja mebla, santechnika i elektryka.
U asnoŭnym pakoi atrymałasia raźmiaścić kampaktnuju, ale davoli funkcyjanalnuju kuchniu, abiedziennuju zonu, kanapu, jakaja pieratvarajecca ŭ spalnaje miesca. Taksama ŭ kvatery jość nievialiki sanvuzieł z dušavoj.
«Vydatny varyjant dla pierajezdu pa pracy abo dla atrymańnia adukacyi. Taksama možna razhledzieć jak hatovy biznes (havorka ab zdačy ŭ arendu)», — skazana ŭ abjavie.
Onliner źviazaŭsia z ahientam, jaki zajmajecca prodažam abjekta, i daviedaŭsia padrabiaznaści.
— Pieršapačatkova inviestar nabyŭ piacipakajovaje žyllo, kab padzialić jaho na šeść izalavanych kvater pa 15-18 «kvadrataŭ». Praŭda, u BRTI dazvolili zrabić tolki try.
Atrymałasia studyja na 15 kv.m., jeŭradvuška na 28 kv. m. i jeŭratrojka na 56 kv. m. pradajucca jany za $34 000, $54 000 i $74 000 adpaviedna, — raspavioŭ ahient.
— Vyhladaje heta tak: z padjezda čałaviek traplaje ŭ tambur, dzie znachodziacca try asobnyja dźviery ŭ kvatery. U kožnaj svoj sanvuzieł, kuchonnaje abstalavańnie. Padzielenyja ličylniki haračaj i chałodnaj vady, elektryčnaści, u dalejšym buduć padzielenyja i rachunki, kab kožny ŭłaśnik płaciŭ za siabie sam.
Pakul što techpašpart u troch kvater adzin na ŭsich, ale ŭ dadzieny momant ułaśnik sprabuje jaho padzialić, kab pradavać usie abjekty asobna. Kali tak nie atrymajecca, to žyllo možna budzie kupić jak doli.
— Zajavak užo vielmi šmat. Tolki za ŭčora mnie pastupiła bolš za 20 zvankoŭ.
Kamientary