Ciapier u kitajskaj kampanii ByteDance, jakoj naležyć sacsietka, jość dzieviać miesiacaŭ, kab pradać tyktok. U advarotnym vypadku płatformu mohuć zabłakavać u ZŠA.
Džo Bajden padpisaŭ zakonaprajekt, jaki moža pryvieści da zabarony ŭ ZŠA sacyjalnaj sietki tyktok. Adnak jon sam praciahnuŭ vykarystoŭvać hetuju płatformu ŭ svajoj pieradvybarnaj kampanii, zaŭvažaje AP.
Ciapier u kitajskaj kampanii ByteDance, jakoj naležyć sacsietka, jość dzieviać miesiacaŭ, kab pradać tyktok. U advarotnym vypadku płatformu mohuć zabłakavać u ZŠA.
U svaju čarhu ŭładalniki sacyjalnaj sietki nazvali rašeńnie amierykanskich uładaŭ niekanstytucyjnym i majuć namier asprečvać jaho ŭ sudzie.
U kancy sakavika stała viadoma, što kanadski miljanier Kievin O'Liry źbiraje kansorcyum inviestaraŭ dla kupli tyktoku. Na jaho dumku, prapanova, ź jakoj možna pačynać pieramovy z ByteDance, startuje z $20 młrd. Aktyvy samoha O'Liry aceńvajucca ŭ $400-500 młn.
U Biełaha doma niama aficyjnaha akaŭnta ŭ tyktoku, pakolki Džo Bajden zabaraniŭ hety dadatak na bolšaści ŭradavych ustanoŭ u śniežni 2022 hoda. Ale pieradvybarčy štab Bajdena dałučyŭsia da sacsietki ŭ noč pierad Supierboŭłam 2024 hoda.
Na dadzieny momant u ZŠA ŭ tyktoku kala 170 młn padpisčykaŭ. U minułym hodzie hetaja sacsietka stała pieršym u śviecie niehulniavym dadatkam z prybytkam bolš za $10 młrd.
Ciapier čytajuć
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»3
Kamientary