Hramadstva33

«Mahu jechać dadomu? Praŭda? Dziakuj». U Poznani sud vynies prysud pa spravie dvuch biełarusaŭ, abvinavačanych u špijanažy

Adnaho z abvinavačanych, 57-hadovaha kiroŭcu i muzyku Dźmitryja N., apraŭdali za adsutnaściu dokazaŭ, druhomu, 51-hadovamu vajskoŭcu ŭ adstaŭcy Andreju R., dali try hady, choć prakuratura zapytvała piać, piša Most.

Zdymak ilustracyjny. Fota: everything possible / vecteezy.com

Andreja R. i Dźmitryja N. zatrymali ŭ krasaviku 2022 hoda i z taho času jany doŭhi čas utrymlivalisia pad vartaj. Pavodle paviedamleńnia vydańnia Gazeta Wyborcza, za niekalki tydniaŭ da prysudu Dźmitryja N. vyzvalili z-pad varty, ale zabaranili jamu pakidać Polšču.

Sudovy praces pačaŭsia ŭ kastryčniku 2023 hoda. Ale tady sud pastanaviŭ, što, pakolki sprava źviazanaja ź dziaržaŭnaj tajamnicaj, publičnym budzie tolki čytańnie abvinavaŭčaha zaklučeńnia, a dalejšy praces projdzie za začynienymi dźviaryma.

U paniadziełak, 29 krasavika, prysud abviaścili, častka jaho taksama była zasakrečanaja.

Śledstva mierkavała, što mužčyny pryjechali ŭ Polšču dla pracy kiroŭcami, adnak asnoŭnaj ich metaj było nazirać za vajskovymi i cyvilnymi abjektami, jakija majuć krytyčna važnaje značeńnie dla abaranazdolnaści Polščy. Paviedamlałasia, što heta abjekty na zachadzie krainy.

Śledstva mierkavała, što biełarusy źbirali infarmacyju mienš za miesiac — z 6 sakavika pa 4 krasavika 2022 hoda. Sud paličyŭ dakazanaj vinu tolki adnaho z padsudnych — Andreja R. Pry hetym sud adznačyŭ, što dokazaŭ jaho viny było mała, ale heta śviedčyć «pra vysoki prafiesijanalizm abvinavačanaha i ŭmieńnie paźbiehnuć vykryćcia», paviedamlaje partał Codziennypoznan.

Sudździa Katažyna Volf patłumačyła, što pakarańnie — try hady pazbaŭleńnia voli — choć i moža padacca miakkim, ale adekvatnaje złačynstvu. Sud uličyŭ nievialiki termin zboru danych, a taksama adsutnaść dokazaŭ taho, što padsudny paśpieŭ kamu-niebudź ich pieradać.

Viadoma, što abarona maje namier asprečyć hety prysud, pakolki Andrej R. nastojvaje, što nievinavaty.

Dokazaŭ viny Dźmitryja N. sud nie znajšoŭ. Tak, abvinavačvańnie nie dakazała, što ŭ mužčyny mielisia fota abo apisańni vajskovych abo cyvilnych abjektaŭ, krytyčna važnych dla abaranazdolnaści dziaržavy. Faktyčna sprava ŭ dačynieńni da mužčyny była pabudavanaja tolki na padstavie jaho znajomstva z Andrejem R., ź jakim jany razam chadzili pa pakupki i na prahułki, piša Gazeta Wyborcza.

Pa słovach samoha Dźmitryja, jon byŭ znajomy z Andrejem R. tolki try tydni, razam jany chadzili ŭ kramu. U dačynieńni da Dźmitryja N. sudździa vyniesła apraŭdalny prysud, a taksama admianiła palicejski nahlad i abmiežavańnie na vyjezd. Ciapier jon zmoža pajechać u Biełaruś.

«Mahu jechać dadomu? Praŭda? Dziakuj», — pryvodzić reakcyju Dźmitryja polskaje miedyja.

Kamientary3

  • Da
    29.04.2024
    Primier raboty nastojaŝieho pravosudija,kohda zakon prievyšie vsieho.
  • žycharka
    29.04.2024
    https://dck8xvlq18iei.cloudfront.net/341819
    žycharka Bresta Aksana Račkievič prosić «pra dapamohu i akazańnie maksimalnaha sadziejańnia majmu mužu Račkieviču Andreju Jaŭhienaviču, hramadzianinu Respubliki Biełaruś, aryštavanamu 4 krasavika 2022 h. u h. Poznań 
    https://dck8xvlq18iei.cloudfront.net/341819

  • Vierno
    30.04.2024
    žycharka , pričiom tam otkryto pišiet, čto muž 26 let otsłužił, a ona sama 19 

Ciapier čytajuć

Aryštavany dyrektar Pałaca Respubliki, adzin z arhanizataraŭ Marafona adzinstva10

Aryštavany dyrektar Pałaca Respubliki, adzin z arhanizataraŭ Marafona adzinstva

Usie naviny →
Usie naviny

Pieršaha namieśnika načalnika Biełčyhunki Dułuba asudzili na 10 hadoŭ kałonii

USU: Situacyja na Dabrapolskim kirunku stabilizujecca

Aŭtobusnyja rejsy Vilnia — Minsk: Litva skaračaje kolkaść maršrutaŭ — u čym pryčyna?4

Biełaruskija broniemašyny «Kajman» pakazali na paradzie ŭ Bieninie

Staŭ viadomy čas zaŭtrašniaj sustrečy Pucina i Trampa

U Viciebsku praz 25 hadoŭ raskryli zabojstva valutčyka i jaho žonki1

Amierykanski avijabłohier: Litaralna kožny biełarus, z kim ja razmaŭlaŭ pra palityku, kazaŭ, što Łukašenka — absalutny varjat21

Alenu Bohdan viarnuli z Rasii i pastavili na raniejšuju top-pasadu ŭ Minzdaroŭja3

Dva dni śpioki, a potym krychu pachaładaje

bolš čytanych navin
bolš łajkanych navin

Aryštavany dyrektar Pałaca Respubliki, adzin z arhanizataraŭ Marafona adzinstva10

Aryštavany dyrektar Pałaca Respubliki, adzin z arhanizataraŭ Marafona adzinstva

Hałoŭnaje
Usie naviny →

Zaŭvaha:

 

 

 

 

Zakryć Paviedamić