Niekalki hramadzian Litvy padazrajucca ŭ špijanažy dla biełaruskich śpiecsłužbaŭ
Pavodle źviestak litoŭskich śpiecsłužbaŭ, biełaruskaja raźviedka značna pašyraje svaju dziejnaść za miažoj i ŭzmacniaje kontrraźviednicki režym unutry krainy.
U kancy minułaha hoda pa padazreńni ŭ supracoŭnictvie ź biełaruskimi śpiecsłužbami byli zatrymanyja niekalki hramadzian Litvy, paviedamlajecca ŭ apošnim dakładzie ab acency pahroz nacyjanalnaj biaśpiecy, piša Delfi.lt.
Jak pakazaŭ analiz Departamienta dziaržaŭnaj biaśpieki (DDB) i druhoha departamienta apieratyŭnaj słužby, padazravanyja, chutčej za ŭsio, vykonvajučy zadańni biełaruskaj śpiecsłužby, za ŭznaharodžańnie źbirali i pieradavali zakazčyku sabranuju infarmacyju.
Paviedamlajecca, što ni ŭ kaho z zatrymanych nie było dazvołu na pracu z sakretnaj infarmacyjaj, a pieradavanaja imi infarmacyja ab litoŭskaj infrastruktury asablivaj važnaści i vajskovych abjektach nie była zasakrečanaja.
Adnak adznačajecca, što takija źviestki dapamahli pradstaŭnikam biełaruskaha režymu ažyćciaŭlać varožyja dziejańni suprać Litvy. Całkam vierahodna, pa słovach śpiecsłužbaŭ, što sabranaja padazravanymi infarmacyja nieabchodnaja nie tolki biełaruskim, ale i rasijskim uzbrojenym siłam — pry raspracoŭcy płanaŭ patencyjnaj vajennaj ahresii suprać susiednich krain.
Pavodle źviestak litoŭskich śpiecsłužbaŭ, biełaruskaja raźviedka značna pašyraje svaju dziejnaść za miažoj i ŭzmacniaje kontrraźviednicki režym unutry krainy. Robiacca sproby vykarystać biełaruskuju dyjasparu ŭ Litvie dla varožaj dziejnaści ŭ dačynieńni da Vilni.
Biełaruskija śpiecsłužby imknucca vykarystoŭvać pradstaŭnikoŭ biełaruskaj dyjaspary ŭ Litvie dla zboru raźviedvalnaj infarmacyi ab Litvie i jaje ŭstanovach, biełaruskaj demakratyčnaj apazicyi i samoj biełaruskaj dyjaspary», — havorycca ŭ dakładzie.
Kamientary
https://belsat.eu/ru/news/13-01-2024-kak-belarusskie-siloviki-ishhut-kandidatok-dlya-verbovki