Kolki kaštuje adličycca ź biełaruskaha mieduniviersiteta? Suma ŭražvaje
Pra asabisty dośvied u tyktoku raspaviała byłaja studentka Darja Šylec. Dziaŭčyna amal čatyry hady vučyłasia ŭ BDMU na farmaceŭtyčnym fakultecie. Letaś jana ŭziała akademičny adpačynak, kab padumać nad tym, čym sapraŭdy choča zajmacca ŭ žyćci.
U sakaviku hetaha hoda Darji patrebna było vyrašyć kančatkova, što rabić: adnavicca i atrymać dypłom ci adličycca. Dziaŭčyna abrała druhi varyjant. Ale byŭ adzin vielmi važny niuans: pastupała ŭ miedycynski ŭniviersitet jana na ŭmovach metavaj padrychtoŭki.
— Što takoje metavaja padrychtoŭka? Heta kali za vašu vučobu płacić nie dziaržava, a arhanizacyja, ź jakoj vy zaklučali damovu metavaj padrychtoŭki. Kali b ja skončyła ŭniviersitet, mnie daviałosia b adpracoŭvać piać hadoŭ u Homielskaj vobłaści ŭ HV RUP «Farmacyja».
Takaja pierśpiektyva dziaŭčynu zusim nie radavała. Jana kaža, što zusim nie bačyć siabie ŭ miedycynie i nie chacieła b pracavać pa śpiecyjalnaści dzieści ŭ aptecy ci łabaratoryi. Niahledziačy na toje, što ŭsie rodnyja chacieli, kab Darja atrymała dypłom, jana ŭsio ž zrabiła pa-svojmu.
Narešcie dziaŭčyna atrymała list z univiersiteta, u jakim było paznačana, kolki treba zapłacić za navučańnie. I suma sapraŭdy ŭražvaje — za niapoŭnyja čatyry hady atrymałasia amal što 40 tysiač rubloŭ (bolš za 12 tysiač dalaraŭ).
Watch on TikTok
U inšym videa Darja adkazała na pytańnie, ci nie škaduje jana ab pryniatym rašeńni kinuć univiersitet i ci varta jano takich hrošaj.
— Ja adkažu: tak, varta. Pa-pieršaje, mnie b treba było viarnucca va ŭniviersitet, znoŭ zdavać siesii, jakija nie prynosiać mnie naohuł nijakaha zadavalnieńnia. A potym nielubimaja praca, na jakoj mnie daviadziecca pracavać piać hadoŭ. Heta ž žach. Heta ž sapraŭdy možna kožny dzień viartacca damoŭ i płakać. Ja vypłaču hetyja hrošy, ale budu znachodzicca na lubimaj pracy, u tym horadzie, u jakim ja chaču.
Videa nabrała bolš za 550 tysiač prahladaŭ. U kamientaryjach byłaja studentka sutyknułasia z chejtam, tamu vyrašyła jašče ŭ adnym videa raspavieści pra svaju pracu ciapier. Bo ludzi nie vierać, što maładaja dziaŭčyna moža takija vialikija hrošy samastojna zarabić, nie siedziačy na šyi ŭ baćkoŭ ci chłopca.
— Pracuju ja veb-dyzajnieram na fryłansie, stvaraju sajty, prezientacyi, roznyja ček-listy dla ekśpiertaŭ, dla biznesu. I tak, dypłom mnie nie patrebny dla hetaha.
«Prosta adčuvała siabie pacukom». Maładaja žurnalistka raskazała, jak kinuła rajonku, kudy jaje raźmierkavali
U MDŁU prymušajuć hladzieć film pra «patryjatyčnych lekaraŭ, jakija nie chočuć na Zachad». U chod iduć pahrozy
«Nabiaruć bolš studentaŭ, ale što rabić 6-7 hadoŭ?» Miedyk pra toje, jak ułady zmahajucca ź niedachopam daktaroŭ i što treba rabić
Rektar BDU pra vučobu ŭ rasijskich univierach: Nie baču nivodnaha plusu, sens stralać sabie ŭ nahu
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie14
Kamientary