Siarod danosaŭ u KDB znajšoŭsia list ad «Bajpoła». Daviedalisia, pra što jon byŭ
U śpisie z 40 tysiačaŭ zvarotaŭ, adpraŭlenych praz sajt KDB, jość i list ad «Bajpoła». U im bajpołaŭcy pišuć, što adšukali niejki dakumient u internecie i prapanujuć kadebistam pravieści pravierku. Daviedalisia, što za dakumient.
«Bajpoł» pisaŭ zvarot u KDB 20 śniežnia 2020 hoda. Tekst jaho byŭ taki:
«Dobry dzień, kalehi! Vysyłajem dakumient z hryfam, vyjaŭleny ŭ sietcy Internet. Nakiroŭvajem dla praviadzieńnia pravierki i dačy pravavoj acenki. Z pavahaj, kamanda BYPOL».
Kiraŭnik «Bajpoł» Alaksandr Azaraŭ raskazaŭ nam, što było ŭ dałučanym dakumiencie. Jon kaža, što heta była infarmacyjna-psichałahičnaja śpiecapieracyja:
«Stanisłaŭ Łupanosaŭ vynies ź siervieraŭ HUUS dakumienty. Siarod ich byŭ adzin z dakumientaŭ z hryfam «sakretna», u jakim byli asabistyja źviestki supracoŭnikaŭ, jakija vielmi aktyŭna padtrymlivali režym. Heta było zadańnie na praviadzieńnie apieratyŭna-vyšukovaha mierapryjemstva datyčna hramadzianina Biełarusi.
Supracoŭniki zakinuli dakumient z hryfam u ahulnuju sietku HUUS, a heta značnaje parušeńnie. U vyniku jany atrymali spahnańni».
«Naša Niva» — bastyjon biełaruščyny
PADTRYMAĆCiapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy18
Kamientary