Hetaj nočču adbyłasia masiravanaja ataka na enierhaabjekty ŭ šaści abłaściach Ukrainy
Nastupstvy ŭdakładniajucca. Enierhietyki ŭžo pracujuć nad likvidacyjaj nastupstvaŭ udaraŭ.
U noč na 8 maja atakavanyja abjekty hienieracyi i pieradačy elektraenierhii ŭ šaści abłaściach: Pałtaŭskaj, Kiravahradskaj, Zaparožskaj, Lvoŭskaj, Ivana-Frankoŭskaj i Vińnickaj, raskazaŭ ministr enierhietyki Ukrainy Hierman Hałuščanka.
«Vorah nie pakidaje płanaŭ pazbavić ukraincaŭ śviatła. Ekanomnaje vykarystańnie elektraenierhii — układ kožnaha z nas u pieramohu. Adkaznaje spažyvańnie ŭ ranišnija i viačernija hadziny asabliva važna», — napisaŭ Hałuščanka ŭ svaim fejsbuku.
U noč na sieradu Rasija naniesła pa Ukrainie rakietny ŭdar. Va ŭsich abłaściach krainy była abvieščanaja pavietranaja tryvoha.
U Kijevie nie zafiksavana paciarpiełych ludziej i razbureńniaŭ. Usie pavietranyja celi ŭ rajonie stalicy źniščyła supraćpavietranaja abarona.
Kamientary