Usie hrošy jana prysvojvała.
Supracoŭniki palicyi zatrymali žycharku Bałašychi, jakaja ŭtrymlivała ŭ rabstvie šeść čałaviek ź Biełarusi i prymušała ich prasić miłaścinu, piša TASS.
«Pavodle papiaredniaj infarmacyi, złamyśnica niezakonna ŭtrymlivała piaciarych mužčyn i žančynu ŭ kvatery adnaho z damoŭ u horadzie Bałašycha», — skazali ŭ pres-słužbie MUS Rasii.
U HU MUS dadali, što zatrymanaja ŭžyvała ŭ dačynieńni da ŭtrymanych fizičny i psichałahičny hvałt. Jana zabrała ŭ ich dakumienty i mabilnyja telefony, taksama prymušała ich prasić miłaścinu. Pry hetym sama jana nazirała za imi, kantralujučy dziejnaść.
«U vyniku praviedzienych palicejskimi mierapryjemstvaŭ padazravanaja zatrymanaja i dastaŭlenaja ŭ terytaryjalny adździeł palicyi. Padčas pieratrusaŭ kanfiskavanyja šyldy, na jakich napisanyja prośby ab dapamozie, hrošy, pašparty, smartfony, bankaŭskija karty», — dadali ŭ palicyi. Žančynie moža pahražać da 10 hadoŭ kałonii.
Źmiena ludziej doŭžyłasia z samaje ranicy da poźniaha viečara, štodzionny dachod kožnaha čałavieka składaŭ ad 5 tysiač da 10 tysiač rubloŭ (55—110 dalaraŭ), hetyja hrošy prysvojvała «haspadynia».
Pobač z Łukašenkam na chakiei źjaviłasia novaja pryhažunia10
Kamientary