Viačorka raskazaŭ, u jakich krainach Cichanoŭskuju sustrakali z łukašenkaŭskim ściaham
Jak takoje mahło zdarycca?
Daradca Śviatłany Cichanoŭskaj Franak Viačorka ŭ efiry jutub-kanału «Obyčnoje utro» raskazaŭ pra vypadki sustrečy lidara demakratyčnych siłaŭ Biełarusi ŭ niekatorych krainach z čyrvona-zialonym ściaham.
Adnoj z takich krain była Rumynija. Jak raskazaŭ Viačorka, pryjom adbyvaŭsia ŭ parłamiencie krainy. Palityk zaŭvažaje, što apošni raz delehacyja Biełarusi ŭ Rumynii była ŭ druhoj pałovie 1990-ch hadoŭ.
«Jany pastavili łukašenkaŭski ściažok. I da taho ž hety ściažok byŭ nie apošniaj viersijaj z novym arnamientam, a pa ŭzory, zaćvierdžanym refierendumam 1995 hoda. Jany navat nie zrazumieli, u čym prablema».
Akramia Rumynii, padobny vypadak adbyŭsia jašče ŭ adnoj krainie. Ale Viačorka nie staŭ jaje nazyvać.
«Sustreča adbyłasia niadaŭna na vielmi vysokim uzroŭni. Ale jany chutka zrazumieli prablemu i pieradrukavali. Zrabili bieł-čyrvona-bieły ściažok», —
raskazaŭ palityk i adznačyŭ, što Ofis Śviatłany Cichanoŭskaj pracuje ŭ niekatorych krainach nad tym, kab bieł-čyrvona-bieły ściah dazvolili vykarystoŭvać.
«Tut jość prablemy ź Vienskaj kanviencyjaj ab dypłamatyčnych adnosinach. Mnohija krainy bajacca ryzykavać. Kali buduć užyvać bieł-čyrvona-bieły ściažok jak dziaržaŭny, to takim čynam parušacca mižnarodnyja damovy. Bo jość jašče adna «dziaržava Łukašenki», jakaja ličyć svaim inšy ściažok», —
tłumačyć Viačorka i vykazvaje nadzieju, što na parłamienckim uzroŭni ź niekatorymi krainami heta pytańnie budzie vyrašana.
Jon nahadvaje, što bieł-čyrvona-bieły ściažok vykarystoŭvaŭ parłamient Łatvii, a taksama Estonija i Polšča. Ale Ofis choča lehitymizavać «bieł-čyrvona-biełuju Biełaruś» u krainach Zachodniaj Jeŭropy, bo heta taksama pakaža roźnicu pamiž «łukašenkaŭskaj» i «našaj» Biełaruśsiu».
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary
No i Tichanovskaja nie imiejet nikakich połnomočij sovieršať kakije-to oficialnyje vizity potomu čto ona samozvanaja "lidarka". Tut ona chuntie podstať